فوتو: قازاقستان تەننيس فەدەراتسياسى
قازاقستان ايەلدەر قۇراماسىنىڭ كوشباسشىسى ەلەنا رىباكينا WTA رەيتينگىندە 3-ورىندا تۇراقتى تۇردە كەلە جاتىر. ول بيىلعى ماۋسىمدى ءساتتى باستاپ, Australian Open تۋرنيرىندە توپ جاردى. فينالدا الەمنىڭ ءبىرىنشى راكەتكاسى ارينا سوبولەنكونى 6:4, 4:6, 6:4 ەسەبىمەن جەڭىپ, جوعارى دەڭگەيدەگى تۇراقتى ويىنىن تاعى ءبىر مارتە دالەلدەدى.
ەرلەر اراسىنداعى ATP رەيتينگىندە الەكساندر بۋبليك 10-ساتىعا كوتەرىلىپ, زاماناۋي تەننيستەگى ەڭ جارقىن ءارى كرەاتيۆتى ويىنشىلاردىڭ ءبىرى ەكەنىن دالەلدەدى.
جۇپتىق سىندا اننا دانيلينا ايرىقشا تابىسقا جەتىپ, WTA Doubles رەيتينگىندە 6-ورىنعا كوتەرىلدى. بۇل –سپورتشىنىڭ مانسابىنداعى رەكوردتىق كورسەتكىش. ول ماۋسىمدى Qatar Open (دوحا, قاتار) تۋرنيرىندەگى جەڭىسپەن باستاعان.
جاسوسپىرىمدەر اراسىندا زانعار نۇرلان ۇلى ITF Juniors رەيتينگىنىڭ ۇزدىك وندىعىنا ەنىپ, تاريحي جەتىستىككە قول جەتكىزدى.
بۇل ناتيجەلەر ءبىزدىڭ تەننيسشىلەردىڭ الەمدىك ارەناداعى باسەكەگە قابىلەتتىلىگى ارتىپ كەلە جاتقانىن كورسەتەدى. سونىمەن قاتار, ەلىمىزدەگى تەننيس جۇيەسىنىڭ تيىمدىلىگى مەن كەشەندى جۇمىسىنىڭ ناقتى جەمىسى ەكەنىن دالەلدەيدى.
ەلىمىزدىڭ ۇزدىك تەننيسشىسى Australian Open تۋرنيرىندە قانشا تابىس تاپتى؟
