كەزدەسۋ بارىسىندا ساراپشىلار ەلىمىزدەگى جاڭا كونستيتۋتسيا جوباسىنىڭ نەگىزگى باعىتتارى, ادام قۇقىعىن قورعاۋ تەتىكتەرىن جەتىلدىرۋ, قوعامداعى زاڭ مەن ءتارتىپتىڭ ماڭىزدىلىعى جانە ءار ازاماتتىڭ جاۋاپكەرشىلىگى تۋرالى ءسوز قوزعادى. ءىس-شارا بارىسىندا ءسوز سويلەگەن فيلوسوفيا عىلىمدارىنىڭ كانديداتى ۇمبەتحان سارسەمبين ەلدىڭ تۇتاستىعىن نىعايتۋعا نەگىزدەلگەن كونستيتۋتسيالىق رەفورمانىڭ جاڭا مۇمكىندىكتەرگە جول اشاتىنىن جەتكىزدى.
«جاڭا كونستيتۋتسيا جوباسىندا ادام كاپيتالىنا باسىمدىق بەرىلگەن. مۇندا ادىلەتتىلىك, زاڭ مەن ءتارتىپ, تابيعاتقا ۇقىپتى قاراۋ سياقتى قاعيداتتار بەكىتىلگەن. ءار ازاماتتىڭ ەل الدىنداعى جاۋاپكەرشىلىگى اتا زاڭدى كۇرمەتتەۋدەن باستالادى. ياعني قۇقىقتىق مادەنيەتتى ارتتىرۋ ارقىلى ۇلكەن ناتيجەگە قول جەتكىزە الامىز. عىلىم مەن ءبىلىمدى دامىتۋ ەلىمىزدىڭ يننوۆاتسيالىق الەۋەتىن ارتتىرىپ قانا قويماي, ينۆەستيتسيانى ۇلعايتۋعا سەپ بولارى ءسوزسىز. سونداي-اق اتا زاڭ جوباسىندا تاۋەلسىزدىك, ۇلتتىق مۇددە, ۇلتتىق قۇندىلىقتار, ءاربىر ازاماتتىڭ ءومىر ءسۇرۋ قۇقىن قامتاماسىز ەتۋ, ءبىلىم مەن عىلىم, تالانتتى جاستاردى قولداۋ سياقتى دۇنيەلەرگە باسا نازار اۋدارىلعان. بۇعان دەيىن دە عىلىمعا, مادەنيەتكە ەرەكشە كوڭىل ءبولىندى. مەملەكەت تاراپىنان قولداۋ دا كوپ. بىراق قوعام ىشىندە بۇدان دا باسقا وزەكتى ماسەلەلەر بارشىلىق. بارلىعى وسى ادامي كاپيتالعا كەلىپ تىرەلەدى. سوندىقتان وسى اتالعان قۇندىلىقتارعا مەملەكەت تاراپىنان كوڭىل ءبولىنىپ, بارلىق سالادا كىسىلىك, ەڭبەك باعالاناتىن بولسا, ادامداردىڭ وزىنە جانە قوعامىنا دەگەن سەنىمى نىعايا تۇسپەك», دەدى ول.
جاڭا كونستيتۋتسيا جوباسىندا ادۆوكاتۋرا مارتەبەسىنىڭ بەكىتىلۋى قانداي ماڭىزعا يە؟
ءىس-شارادا فيلوسوفيا دوكتورى (PhD), دوتسەنت اينۇر نۋرۋتدينوۆا جاڭا كونستيتۋتسيا جوباسىنىڭ باستى ەرەكشەلىكتەرىنە توقتالىپ, ونىڭ تۇجىرىمدامالىق نەگىزدەرىن اشىپ ايتىپ بەردى.
بيبىگۇل جەكسەنباي: كونستيتۋتسيانى تالقىلاۋ – قوعامنىڭ ورتاق جاۋاپكەرشىلىگى
كەزدەسۋ بارىسىندا زاڭ سالاسىنىڭ ماماندارى, جاس وقىتۋشىلار مەن ماماندار ساراپشىلارعا سۇراقتارىن قويىپ, الدا وتەتىن رەفەرەندۋمدا بەلسەندىلىك تانىتاتىنىن جەتكىزدى.
ەلىمىزدىڭ سپورتشىلارى مەن ونەر يەلەرى جاڭا كونستيتۋتسيا جوباسىن قولدادى
