فوتو: اشىق دەرەككوز
بولاشاق كاسسيرلەرگە قويىلاتىن تالاپتار جوعارى جاۋاپكەرشىلىكتى قاجەت ەتەدى. ۇمىتكەرلەردىڭ بۋحگالتەرلىك ەسەپ, قارجى, ەكونوميكا نەمەسە گۋمانيتارلىق سالالار بويىنشا جوعارى نەمەسە ورتا ءبىلىمى بولۋى شارت. سونىمەن قاتار ماماندىعى بويىنشا كەمىندە ەكى جىلدىق جۇمىس ءوتىلى جانە «1س: بۋحگالتەريا» باعدارلاماسىمەن جۇمىس ىستەۋ داعدىسى باستى نازارعا الىنادى. ەسەپتىلىكتى ساۋاتتى قۇراستىرا بىلۋمەن قاتار, مەملەكەتتىك جانە ورىس تىلدەرىن جەتىك مەڭگەرۋ مىندەتتى, ال اعىلشىن ءتىلىن ءبىلۋ باسىمدىق رەتىندە قاراستىرىلادى.
لاۋازىمدىق مىندەتتەر شەڭبەرىندە ماماندار LRT پايدالانۋ ەرەجەلەرىن, قولدانىستاعى تاريفتەر مەن جەڭىلدىكتەردى جولاۋشىلارعا ءتۇسىندىرۋى ءتيىس. سونداي-اق كولىك كارتالارىن ساتۋ, ولاردىڭ تەڭگەرىمىن تولتىرۋ جانە كاسسالىق ەسەپتىلىكتى جۇرگىزۋ – باستى مىندەتتەردىڭ قاتارىندا.
ءوز كەزەگىندە كومپانيا قازاقستان رەسپۋبليكاسىنىڭ ەڭبەك كودەكسىنە سايكەس رەسمي جۇمىسقا ورنالاستىرۋعا جانە اۋىسىمدىق جۇمىس كەستەسىنە كەپىلدىك بەرەدى.
قىزىعۋشىلىق تانىتقان ازاماتتار تۇيىندەمەلەرىن CTS رەسمي سايتى نەمەسە hr@cts.gov.kz ەلەكتروندى پوشتاسى ارقىلى جولداي الادى. قوسىمشا اقپارات الۋ ءۇشىن +7 (7172) 577 177 (ىشكى نومىرلەر: 102, 207) بايلانىس تەلەفونىنا حابارلاسۋعا بولادى.
