فوتو: استانا قالاسىنىڭ اكىمدىگى
قالا اكىمدىگىنىڭ مالىمەتىنشە, وتكەن تۇندە استانادان قار مەن مۇزدى شىعارۋ جۇمىستارى قارقىندى جالعاستى. قار پوليگوندارىنا 3 154 اۋىر جۇك كولىگىنىڭ رەيسىمەن 51 مىڭ تەكشە مەتردەن استام قار مەن مۇز جەتكىزىلدى.
23 اقپان كۇنى تاڭەرتەڭ قالادا قار تازالاۋ جۇمىستارىنا 1 946 ارنايى تەحنيكا مەن 3 041 جول جۇمىسشىسى جۇمىلدىرىلدى. الدىمەن نەگىزگى كوشەلەر مەن قوعامدىق كولىك جولدارى تازالانادى, كەيىن ورتاشا قارقىندى ايماقتار – اۋلالار, الاڭدار, تروتۋارلار مەن ايالدامالار تازالانادى.
استانادا جانە ەلىمىزدىڭ 16 وڭىرىندە داۋىلدى ەسكەرتۋ جاريالاندى
قىس ماۋسىمى باستالعالى بەرى قالادان قار پوليگوندارىنا 390 584 رەيسپەن 5 787 942 تەكشە مەتر قار شىعارىلعان.
تۇرعىنداردىڭ قاۋىپسىز قوزعالىسىن قامتاماسىز ەتۋ ءۇشىن جولدارعا جانە تروتۋارلارعا تەحنيكالىق تۇز سەبۋ جۇمىسى دا تاۋلىك بويى جۇرگىزىلىپ جاتىر.
استانا اكىمدىگى تۇرعىندار مەن قالا قوناقتارىن قاۋىپسىزدىك ەرەجەلەرىن ساقتاۋعا, جولدار مەن تروتۋارلاردا بارىنشا ساق بولۋعا جانە قولايسىز اۋا رايىندا الىس جولعا شىقپاۋعا شاقىرادى.
