فوتو: سالي سابيروۆ, قازاقستان ۇوك ءباسپاسوز قىزمەتى
ابزال اجىعاليەۆ XXV قىسقى وليمپيادا ويىندارىن قورىتىندىلاپ, وسى جولى جانكۇيەرلەردىڭ قولداۋىن ەرەكشە سەزىنگەنىن جازدى. سونداي-اق ول ءوزىن فۋتبولداعى ماركو رويسقا تەڭەدى.
«ماركو رويس... مەنىڭ سۇيىكتى ماركو رويسىم تاعى دا چەمپيون اتانا المادى». بالكىم, شورت-ترەكتىڭ ماركو رويسى مەن شىعارمىن...
مەن ءۇشىن بۇل ءتورتىنشى وليمپيادام. بيىل قولداۋدى ەرەكشە سەزىندىم: الەۋمەتتىك جەلىلەردە جازىلعان جىلى پىكىرلەردى كوردىم, ءتۇن ۇيقىسىن قيىپ, تاڭعا دەيىن وتىرىپ جارىستارىمدى تاماشالاپ, جانكۇيەر بولعاندارىڭىزدى بىلەمىن. سپورتشى ءۇشىن بۇل باعا جەتپەس سەزىم. بارشاڭىزعا شىن جۇرەكتەن العىس ايتامىن», دەپ جازدى ول.
سونداي-اق شورت-ترەكشى وليمپيادا جولىندا قولداۋ كورسەتكەن جاندارعا العىس ايتىپ, الداعى ۋاقىتتا دا ءوزى ونەر كورسەتەتىن سپورت ءتۇرىن كەڭىنەن ناسيحاتتاۋعا كۇش سالاتىنىن جەتكىزدى.
«مەن كوپ جىلدار بويى ەلىمىزدەگى شورت-ترەكتىڭ دامۋىنا ءوز ۇلەسىمدى قوسۋعا تىرىستىم. الداعى ۋاقىتتا دا وسى سپورتتى قازاقستاندا كەڭىنەن ناسيحاتتاي بەرەمىن. بۇل مەنىڭ ميسسيام ءارى جۇرەك قالاۋىم. بولاشاقتا ەلىمىز وسى سپورت تۇرىنەن ەڭ مىقتى مەملەكەتتەردىڭ قاتارىندا بولعانىن قالايمىن. وسىعان جەتۋ ءۇشىن بارىمدى سالامىن», دەدى ابزال اجىعاليەۆ.
قىسقى وليمپيادا: شورت-ترەكشى ابزال اجىعاليەۆ پەن دەنيس نيكيشا شيرەك فينالعا ءوتتى
ءسوز سوڭىندا سپورتشى شورت-ترەككە دەگەن قىزىعۋشىلىق باسەڭدەپ قالماسا ەكەن دەگەن تىلەگىن اتاپ ءوتتى.
«سىزدەرگە دەگەن كىشكەنتاي عانا ءوتىنىشىم بار: كەلەسى وليمپياداعا دەيىن ءبىزدىڭ سپورت جايلى ۇمىتىپ كەتپەڭىزدەر. الدىمىزدا تاعى ءتورت جىل, كوپتەگەن حالىقارالىق جارىستار بار. بارىنە دە قاتىسىپ, ەل نامىسىن ابىرويمەن قورعاۋعا تىرىسامىز. كوماندامىزدى قولداپ جۇرىڭىزدەر. وليمپيادادا كورگەندەرىڭىزدەي, بۇل – وتە قىزىقتى ءارى تارتىستى سپورت ءتۇرى», دەپ جازدى شورت-ترەكشى.
