ەلىمىزدىڭ بولاشاعىنا باعىتتالعان اۋقىمدى ءىس-شاراعا قولداۋ ءبىلدىرىپ جاتقاندار اراسىندا تانىمال تۇلعالار دا بار. سولاردىڭ ءبىرى – شاحماتتىڭ بليتس ءتۇرى بويىنشا ايەلدەر اراسىندا 3 دۇركىن الەم چەمپيونى ءبيبىسارا اساۋباەۆا.
شاحماتشى ارۋ ەلىمىزدە بولىپ جاتقان وزگەرىستەرگە بەي-جاي قاراماي, ازاماتتىق ۇستانىمىن ءبىلدىرىپ, جاڭاشىلدىقتاردى قولدايتىنىن جەتكىزدى.
«قازاقستاندى الەمدىك ارەنالاردا تانىستىرىپ جۇرگەن سپورتشى رەتىندە مەن ەلىمىزدىڭ دامۋى مەن پروگرەسكە سەنەمىن جانە مەملەكەتىمىزدىڭ تۇراقتىلىعى مەن بولاشاعىنا باعىتتالعان رەفورمالاردى قولدايمىن», دەپ جازدى ول الەۋمەتتىك جەلىدەگى پاراقشاسىندا.
ايتا كەتەيىك, «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن» جالپىۇلتتىق كواليتسيا قۇرىلىپ, كوميسسيا مۇشەلەرى حالىققا زاڭداعى وزگەرىستەردى ءتۇسىندىرىپ ءجۇر.
