كەزەكتى كەزدەسۋ جەزقازعان قالاسىنداعى «رەمستروي» جشس ۇجىمىمەن ءوتتى. جيىن بارىسىندا جاڭا كونستيتۋتسيا جوباسىنا ەنگىزىلگەن وزگەرىستەر مەن تولىقتىرۋلار كەڭىنەن تانىستىرىلىپ, ونىڭ باستى باعىتتارى مەن ماڭىزى ءتۇسىندىرىلدى.
كەزدەسۋگە ءماجىلىس دەپۋتاتى ەربولات ساتىبالدى, «Amanat» پارتياسى ۇلىتاۋ وبلىستىق فيليالىنىڭ اتقارۋشى حاتشىسى ەرلان مىرزابەكوۆ, «رەمستروي» جشس ديرەكتورى, ۇلىتاۋ وبلىستىق ءماسليحاتىنىڭ دەپۋتاتى نيكولاي راسپوپوۆ, «Respublica» پارتياسىنىڭ ۇلىتاۋ وبلىستىق فيليالىنىڭ توراعاسى سۆەتلانا وڭعارباەۆا, قازاقستان حالىقتىق پارتياسىنىڭ ۇلىتاۋ ءوڭىرى بويىنشا توراعاسى ورازالى باقىرباەۆ قاتىستى.
سپيكەرلەر كونستيتۋتسياداعى جاڭاشىل باستامالاردىڭ ەل دامۋىنا, ازاماتتاردىڭ قۇقىقتارى مەن الەۋمەتتىك كەپىلدىكتەرىن نىعايتۋعا باعىتتالعانىن اتاپ ءوتتى. كەزدەسۋ اشىق پىكىر الماسۋ فورماتىندا ءوتىپ, قاتىسۋشىلار ساۋالدارىن قويىپ, ۇسىنىسىن ايتتى.
«جاڭا كونستيتۋتسيا جوباسى – ەل بولاشاعى ءۇشىن ماڭىزدى قۇجات. ول قاراپايىم حالىقتىڭ قۇقىعىن قورعاۋدى كۇشەيتىپ, ءادىل قوعام قۇرۋعا باعىتتالعان. بۇل قۇجاتتا ءار ازاماتتىڭ پىكىرى مەن مۇددەسى ەسكەرىلدى. وزگەرىستەر مەملەكەت پەن حالىق اراسىنداعى سەنىمدى ارتتىرۋعا كومەكتەسەدى. جاڭا كونستيتۋتسيا – بارلىعىمىزعا ورتاق جاۋاپكەرشىلىك پەن جاڭا مۇمكىندىكتەردىڭ باستاۋى», دەدى ە.ساتىبالدى.
ءتۇسىندىرۋ جۇمىستارى ناۋرىز ايىنىڭ ورتاسىنا دەيىن جالعاسادى.
ۇلىتاۋ وبلىسى
