انىقتالعانداي, كۋرەر تاپسىرىستى تاپسىرۋ كەزىندە ءوزىن دورەكى ۇستاپ, تاپسىرىس بەرۋشىنى ادەيى جانجالعا يتەرمەلەگەن. ول تاپسىرىس بەرۋشىنى «مەنىڭ قارنىم اشىپ تۇر» دەگەن ءسوزدى ايتۋعا ماجبۇرلەگەن, ايتپەسە تاپسىرىستى بەرمەيتىنىن ايتىپ قورقىتقان.
كۋرەردىڭ ارانداتۋشىلىق ارەكەتتەرى تاراپتار اراسىندا سوزگە كەلۋگە سەبەپ بولعان. ءوز كەزەگىندە تاپسىرىس بەرۋشى جانجال بارىسىندا بەيادەپ سوزدەر قولدانعان.
ءىس ماتەريالدارىن قاراۋ ناتيجەسى بويىنشا وقيعاعا قاتىسۋشىلار قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 434-بابى 1-بولىگى («ۇساق بۇزاقىلىق») بويىنشا اكىمشىلىك جاۋاپكەرشىلىككە تارتىلدى.
الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ولاردىڭ ارقايسىسىنا 20 اەك (86 500 تەڭگە) مولشەرىندە ايىپپۇل تۇرىندە اكىمشىلىك جازا تاعايىندالدى.
جاۋاپكەرشىلىككە تارتۋ جانجالعا قاتىسۋشىلاردىڭ قۇقىققا قايشى ارەكەتتەرىنە بايلانىستى جۇزەگە اسىرىلدى.
الماتى قالاسىنىڭ پروكۋراتۋراسى ازاماتتاردى مەملەكەتتىك ورگانداردىڭ رەسمي اقپاراتىنا سۇيەنۋگە جانە بۇرمالانعان مالىمەتتەردى تاراتۋدان باس تارتۋعا شاقىرادى.
«كورىنەۋ جالعان اقپارات تاراتۋ زاڭنامادا بەلگىلەنگەن جاۋاپتىلىققا اكەپ سوعۋى مۇمكىن», دەپ ەسكەرتتى قالالىق پروكۋراتۋرا.
