اقتاۋدا قىزىن كولىكتەن قۇلاتىپ العان جۇرگىزۋشى تابىلدى

اقتاۋ. 13 مامىر. اقتاۋدا بالاسىن جول ۇستىندە كولىكتەن ءتۇسىرىپ العان جۇرگىزۋشى تابىلدى. بۇل تۋرالى lada.kz حابارلادى. وسىعان دەيىن اقتاۋ قالاسىنداعى ورتالىق جولداردىڭ بىرىندە ءجۇرىپ بارا جاتقان كولىكتىڭ ەسىگى اشىلىپ كەتىپ, كىشكەنتاي قىز بالانىڭ قۇلاپ تۇسكەنى تۋرالى بەينەروليك جاريالانعان بولاتىن. 3 مامىر كۇنى كەشكى ساعات 20:00 شاماسىندا ورىن العان وقىس وقيعادان سوڭ ىزدەستىرۋ جۇمىستارىن جۇرگىزگەن قۇقىق قورعاۋ ورىندارىنىڭ قىزمەتكەرلەرى كولىك جۇرگىزۋشىسىن, ياعني, قۇلاعان قىزدىڭ اكەسىن تاپتى. كولىك سولعا قاراي بۇرىلعان ساتتە, جولاۋشىلار جاعىنداعى ارتقى ەسىك اشىلىپ كەتىپ, قىزدىڭ قاتتى ەكپىنمەن قۇلاپ, جول بويىندا بىرنەشە رەت دومالاعاندىعى ولاردىڭ سوڭىندا كەلە جاتقان كولىكتىڭ بەينەباقىلاۋ اپپاراتىنا ءتۇسىپ قالعان. دەرەۋ توقتاپ, قىزىن الىپ ۇلگەرگەن اتا-اناسى ونى جەدەل اۋرۋحاناعا اپارعان. ءساتىن سالعاندا, ەكى جاسار قىز بالا قاتتى زارداپ شەكپەگەن, تەك دەنەسى جىرىلىپ, جەڭىل جاراقات العان. وقيعاعا وراي كولىك جۇرگىزۋشىسىنە «جولاۋشى تاسىمالىنداعى ەرەجەنى ساقتاماعانى» ءۇشىن بابى بويىنشا اكىمشىلىك حاتتاما تولتىرىلىپ, ول اكىمشىلىك جاۋاپكەرشىلىككە تارتىلدى. گۇلايىم شىنتەمىرقىزى. دەرەك, سۋرەت: lada.kz.