فوتو: ۇلتتىق بانك
ەڭ كوپ قولدان جاسالعان اقشا – 5 000 تەڭگەلىك بانكنوتا. جالپى سانى 174 دانا بولىپ, بارلىق انىقتالعان جالعان اقشانىڭ 84,5%-ىن قۇرادى. ودان كەيىن 10 000 تەڭگەلىك بانكنوتالار – 22 دانا (10,7%). سونداي-اق 2 000 تەڭگەلىك 6 دانا (2,9%), 20 000 تەڭگەلىك 1 دانا (0,5%) تىركەلدى. قالعان 1,4%-ى مونەتالارعا تيەسىلى.
ۇلتتىق بانك 2 جاڭا كوللەكتسيالىق مونەتانى ساتىلىمعا شىعارادى
ۇلتتىق بانك جالعان اقشا مەن تۇپنۇسقانى اجىراتۋعا كومەكتەسەتىن نەگىزگى بەلگىلەردى اتاپ ءوتتى. جالعان بانكنوتالار كوبىنە قاراپايىم وفسەتتىك قاعازعا باسىلادى جانە ولاردى جاساۋ ءۇشىن كومپيۋتەرلىك تەحنيكا مەن ءتۇرلى ءتۇستى پرينتەر پايدالانىلادى.
مۇنداي اقشالاردا مايدا جازۋلار كومەسكى بولىپ كەلەدى, ءتىپتى بىرنەشە ەسە ۇلكەيتكەندە دە انىق وقىلمايدى.
سونداي-اق قولدان جاسالعان بانكنوتالاردا سۋتامعى بەلگىسى بولمايدى.
پاتچ ەلەمەنتى بوياۋمەن سالىنعاندىقتان, كولەمدىك اسەر بەرمەيدى, جارىق تۇسكەندە گولوگرافيالىق قاسيەت بايقالمايدى جانە نومينال سۋرەتى ورنەككە اۋىسپايدى.
قورعانىش ءجىبى دە ديناميكالىق ءارى ءتۇس وزگەرتۋ اسەرىنە يە ەمەس, جارىققا توسقاندا تۇتاس سىزىق بولىپ كورىنبەيدى.
ال شىنايى بانكنوتالاردا كوزبەن جانە قولمەن تەكسەرگەندە بىردەن بايقالاتىن بىرنەشە قورعانىش بەلگىسى بار.
ۇلتتىق بانك جالعان اقشا جاساۋدىڭ الدىن الۋ باعىتىندا جۇيەلى جۇمىس جۇرگىزىپ كەلەدى جانە ازاماتتاردى قولما-قول ەسەپ ايىرىسۋ كەزىندە مۇقيات بولۋعا شاقىرادى. ەگەر كۇماندى, اسىرەسە سىرتقى كەلبەتى تۇپنۇسقاعا ۇقساس بانكنوتا كەزدەسسە, دەرەۋ قۇقىق قورعاۋ ورگاندارىنا حابارلاۋ قاجەت.
