فوتو: تۋريزم جانە سپورت مينيسترلىگى. تەلەگرام
«قۇرمەتتى دوستار!
ەلىمىزدە كونستيتۋتسيالىق رەفورمالار جوباسى بويىنشا كەڭ كولەمدى قوعامدىق تالقىلاۋ ءجۇرىپ جاتىر. بۇل كەزەڭ قازاقستاننىڭ مەملەكەتتىك قۇرىلىمىن الداعى ونجىلدىقتا قالاي داميتىنىن انىقتايتىن ماڭىزدى ءارى جاۋاپتى ءسات.
قازاقستان ازاماتى, قوعام قايراتكەرى جانە ادام رەتىندە مەن ۇسىنىلىپ وتىرعان باستامالاردىڭ ماڭىزدىلىعىن تەرەڭ تۇسىنەمىن جانە مەملەكەتتىلىكتى جۇيەلى تۇردە جاڭارتۋ مەن نىعايتۋ باعىتىن قولدايمىن.
ءبىز تۇبەگەيلى وزگەرىستەر جولىنا 2022 جىلى «ادىلەتتى قازاقستان» قۇرۋ باعىتى جاريالانعاندا تۇسكەن ەدىك. بۇگىنگى قادامدار – سول باستامالاردىڭ قيسىندى جالعاسى, تەرەڭدەۋى مەن دامۋى. بۇل – ناۋقاندىق شارا ەمەس, مەملەكەتتىڭ تۇراقتىلىعى مەن قوعامنىڭ سەنىمىن ارتتىرۋعا باعىتتالعان ويلاستىرىلعان ۇدەرىس», دەپ جازدى ول.
سەرىك ساپيەۆ ءمينيستردىڭ شتاتتان تىس كەڭەسشىسى بولىپ تاعايىندالدى
س. ساپيەۆتىڭ ايتۋىنشا, رەفورمالاردىڭ كەلەسى كەزەڭى – ازاماتتاردىڭ مۇددەلەرىن كورسەتەتىن ينستيتۋتتاردىڭ ءرولىن كۇشەيتۋ.
«سپورتشى رەتىندە مەن شىنايى كۇش – تارتىپتە, كوماندالىق جۇمىستا جانە ەرەجەلەردى قۇرمەتتەۋدە ەكەنىن جاقسى بىلەمىن. مىقتى مەملەكەتتىڭ نەگىزى دە وسى قاعيدالارعا سۇيەنەدى. جەڭىس ءبىر كۇندە كەلمەيدى, ول توزىمدىلىكتى, دايىندىقتى جانە اۋىزبىرشىلىكتى تالاپ ەتەدى. مەملەكەتتىك قۇرىلىستا دا وسىنداي ۇستامدى ءتاسىل ۇسىنىلىپ وتىر.
مەملەكەت باسشىسىنىڭ جاۋاپتى ءارى جاسامپاز پاتريوتيزمگە – قۇرعاق سوزگە ەمەس, كۇندەلىكتى ادال ەڭبەككە باسىمدىق بەرگەنى وتە ماڭىزدى. مەن ءۇشىن جانە بارشا سپورتشىلار ءۇشىن بۇل – ناقتى ءىس: بۇقارالىق سپورتتى دامىتۋ, جاس تالانتتارعا جول اشۋ, سپورت پەن سالاۋاتتى ءومىر سالتىن ءاربىر بالا مەن ءاربىر وتباسىعا قولجەتىمدى ەتۋ», دەپ جازدى سەرىك ساپيەۆ.
ERG مەتاللۋرگتەرى وتانداستارىمىزدى رەفەرەندۋمعا قاتىسۋعا شاقىردى
سپورتشىنىڭ پىكىرىنشە, قوعامدىق تالقىلاۋدىڭ ماڭىزى زور. رەفورمالار ديالوگسىز مۇمكىن ەمەس. ءاربىر ازاماتتىڭ پىكىرى ماڭىزدى جانە ەستىلىپ, نازارعا الىنۋى ءتيىس. تەك وسىلاي ءبىز ەل مۇددەسىنە شىنايى قىزمەت ەتەتىن شەشىمدەرگە كەلە الامىز.
«مەن ۇسىنىلىپ وتىرعان باستامالار ءبىزدىڭ مەملەكەتتىلىگىمىزدى, تاۋەلسىزدىگىمىزدى نىعايتىپ, بولاشاق ۇرپاققا جاڭا مۇمكىندىكتەر اشادى دەپ سەنەمىن. بۇل – تۇراقتى دامۋ, ساباقتاستىق پەن ۇلتتىق بىرلىكتىڭ جولى. ءبىز سەنىمگە, ەڭبەككە جانە ءوزارا قۇرمەتكە سۇيەنە وتىرىپ, مىقتى, ءادىل جانە تابىستى قازاقستاندى قۇرامىز», دەپ تۇيىندەدى سەرىك ساپيەۆ.
رەفەرەندۋمعا 24 كۇن قالدى: استانادا كەرى ساناق تابلولارى ورناتىلدى
