بۇگىندە «قازحروم» كاسىپورىندارىندا 19 مىڭنان استام ادام جەمىستى ەڭبەك ەتىپ ءجۇر. ERG مەتاللۋرگتەرى جاڭا كونستيتۋتسيا جوباسىن ەلىمىزدى دامىتۋ مەن جۇمىسشىلاردىڭ قۇقىقتارىن قورعاۋ تۇرعىسىنان العاندا ەرەكشە ماڭىزدى قۇجات دەپ تانيدى. وندا ەڭبەكقورلىق قۇندىلىعى, ەڭبەك جاعدايلارى, قاۋىپسىزدىك پەن گيگيەنا تالاپتارىن ساقتاۋ سىندى باسىم باعىتتار كورىنىس تاپقان.
استانادا جاڭا كونستيتۋتسيا جوباسى بويىنشا ساراپتامالىق تالقىلاۋ ءوتتى
«ەڭبەك ادامى» باسىن قاتەرگە تىگۋگە مىندەتتى ەمەس. ول قاۋىپسىزدىك ەرەجەلەرىنىڭ ساقتالۋىن, ءتيىستى ەڭبەك جاعدايلارىن قامتاماسىز ەتۋدى جانە جەكە قورعانىش قۇرالدارىمەن قامتۋدى تالاپ ەتۋگە قۇقىلى. ياعني, جاڭا كونستيتۋتسيادا «ادام, ونىڭ ءومىرى مەن ەركىندىگى – مەملەكەتتىڭ ەڭ باستى قۇندىلىعى» دەپ ايقىن كورسەتىلگەن.
«حالىقتىق كونستيتۋتسيا – قۋاتتى مەملەكەت» تاقىرىبىندا ساراپشىلار كەزدەسۋى ءوتتى
جۇمىسكەرلەر رەفەرەندۋمدا ءار ازاماتتىڭ پىكىرى مەن تاڭداۋى ەرەكشە ماڭىزدى ەكەنىن اتاپ ءوتتى. سوندىقتان ولار بارشانى الداعى رەفەرەندۋمعا قاتىسىپ, ەلدىڭ ەرتەڭگى بولاشاعىنا قاتىستى ءوز پىكىرىن ايقىن بىلدىرۋگە شاقىردى. ورتاق بولاشاق ءوز قولىمىزدا.
«جاڭا كونستيتۋتسيا بيلىك ينستيتۋتتارى اراسىنداعى تەپە-تەڭدىكتى نىعايتىپ, ازاماتتاردىڭ قۇقىقتارىن بۇرىنعىدان دا مىعىم بەكىتىپ, ەلدىڭ دامۋىنا زاماناۋي نەگىز قالىپتاستىرادى. ءىرى ونەركاسىپ كومپانياسى مەن ERG-ءدىڭ مىڭداعان ەڭبەك ۇجىمىنىڭ باسشىسى رەتىندە مەن بۇل وزگەرىستەردىڭ ماڭىزىن ايقىن تۇسىنەمىن. مۇندا ۇزاق مەرزىمدى ورنىقتىلىق, ينۆەستيتسيالىق تارتىمدىلىق پەن ادامداردىڭ ەرتەڭگى كۇنگە دەگەن سەنىمدىلىگى ءسوز بولىپ وتىر. كونستيتۋتسيا تۇراقتىلىقتى قامتاماسىز ەتىپ, بيزنەسكە بولجامدى ەرەجەلەردى بەكىتەدى. رەفەرەندۋمعا قاتىسۋ – بۇل تەك ءفورمالدى ءىس ەمەس, ەلدىڭ ەرتەڭگى بولاشاعىنا تىكەلەي اسەر ەتەتىن سانالى شەشىم. بارشا ازاماتتاردى رەفەرەندۋمعا قاتىسىپ, داۋىس بەرۋگە شاقىرامىن», دەدى ERG ديرەكتورلار كەڭەسىنىڭ توراعاسى, باس اتقارۋشى ديرەكتورى شۋحرات يبراگيموۆ.
جەتىسۋ وبلىسىندا جاڭا كونستيتۋتسيا جوباسى مەن ساياسي جۇيەنىڭ باستى وزگەرىستەرى تالقىلاندى
