ءىس-شاراعا الماتى وبلىسى اكىمىنىڭ ورىنباسارى باقىتنۇر باقىت ۇلى قاتىسىپ, ۆەتەريناريا سالاسىن دامىتۋ – مەملەكەت باسشىسى جۇكتەگەن باعىتتاردىڭ ءبىرى ەكەنىن اتاپ ءوتتى. سونىمەن قاتار ايتۋلى شاراعا قالا اكىمىنىڭ ورىنباسارى جانسۇلتان وڭالباەۆ جانە اۋىل تۇرعىندارى قاتىستى.
«مال سويۋ پۋنكتىنىڭ ىسكە قوسىلۋى – حالىق دەنساۋلىعىن قورعاۋ, ۆەتەريناريالىق-سانيتاريالىق قاۋىپسىزدىكتى قامتاماسىز ەتۋ جانە ازىق-ت ۇلىك تۇراقتىلىعىن ساقتاۋ تۇرعىسىنان ماڭىزدى قادام. جاڭا تالاپقا سايكەس, اۋىل شارۋاشىلىعى جانۋارلارى ارنايى جابدىقتالعان پۋنكتتەردە سويىلىپ, سودان كەيىن ساۋدا ورىندارىنا شىعارىلۋى ءتيىس. جاڭا نىسان جانۋار يەلەرى ءۇشىن دە ءتيىمدى. بۇل – ءونىم ساپاسىن ارتتىرۋعا, زاڭ تالاپتارىن ساقتاۋعا مۇمكىندىك بەرەدى», دەدى باقىتنۇر باقىت ۇلى.
ايتا كەتەيىك, وبلىس اۋماعىندا 40 مال سويۋ وبەكتىسى جۇمىس ىستەيدى. ونىڭ ىشىندە 22 مال سويۋ پۋنكتى, 15 الاڭ جانە 3 ەت وڭدەۋ كاسىپورنى بار.
