فوتو: kolesa.kz
بيىل قاڭتاردا سەناتور جاننا اسانوۆا مەملەكەتتىك مەكەمەلەرمەن قاتار جەكە زەرتحانالارعا دا تەكسەرىس جۇرگىزۋگە مۇمكىندىك بەرىپ, قورىتىندىسىن رەسمي مويىنداۋدى ۇسىنعان ەدى. دەپۋتاتتىڭ ايتۋىنشا, الماتىدا مۇنداي ساراپتاما جاسايتىن نەبارى ەكى زەرتحانا بار, ولارعا جەتۋ قيىن جانە كەزەك كوپ. سونىڭ سالدارىنان جۇرگىزۋشىلەر بالاما تەكسەرىستەن دەر كەزىندە وتە المايدى. ول زەرتحانانى تاڭداۋ نەمەسە تاۋەلسىز قايتا ساراپتاما جاساتۋ مۇمكىندىگى شەكتەۋلى بولعاندىقتان, ازاماتتاردىڭ قورعانۋ قۇقىعى السىرەيدى, ال بۇل مەديتسينالىق راسىمگە دەگەن سەنىمگە سەلكەۋ تۇسىرەدى دەپ ەسەپتەيدى.
پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا ەل بويىنشا 300 مەديتسينالىق تەكسەرىس ورتالىعى جۇمىس ىستەيتىنىن اتاپ ءوتتى. تەكسەرىس قورىتىندىسى ەلەكتروندىق جۇيەدە ساقتالادى جانە ونى وزگەرتۋگە جول بەرىلمەيدى. سىبايلاس جەمقورلىق تاۋەكەلدەرىن ازايتۋ جانە ورتالىقتاندىرىلعان باقىلاۋدى قامتاماسىز ەتۋ ءۇشىن ناتيجە اۆتوماتتى تۇردە پروكۋراتۋرا مەن ىشكى ىستەر ورگاندارىنا جولدانادى.
ۇكىمەت باسشىسىنىڭ ايتۋىنشا, جەكەمەنشىك زەرتحانالار قازىرگى مەديتسينالىق تەكسەرىس جۇيەسىنە قوسىلۋعا دايىن ەمەس. سوندىقتان بۇل ماسەلەنى كەزەڭ-كەزەڭىمەن قاراۋ قاجەت. ول ءۇشىن اقپاراتتىق جۇيەلەردى بىرىڭعاي ەلەكتروندىق بازاعا بىرىكتىرۋ, رۇقسات بەرۋ تەتىگىن, اككرەديتاتسيا ءتارتىبىن جانە زەرتتەۋ ناتيجەسىن رەسمي تانۋ قاعيدالارىن زاڭنامادا ناقتىلاۋ كەرەك.
الماتىدا ءىرى جول اپاتى بولدى: تاكسي جۇرگىزۋشىسىنىڭ جۇرەگى توقتاپ قالعان
سونىمەن قاتار تەكسەرىس ورتالىقتارىنىڭ قولجەتىمدىلىگىن ارتتىرۋ كوزدەلىپ وتىر. اسىرەسە شالعاي ەلدى مەكەندەردەگى مەكەمەلەردە ارنايى كابينەتتەر اشۋ جوسپارلانعان. بۇل جۇرگىزۋشىلەردى جۇمىس ورنىندا تەكسەرۋگە مۇمكىندىك بەرەدى.
ءىىم جۇرگىزۋشىلەرگە قويىلاتىن «جاڭا تالاپتار» تۋرالى قاۋەسەتتى جوققا شىعاردى
