سۋرەتتى تۇسىرگەن – جانگەلدى ابدىعالىم
كەزدەسۋگە وبلىس اكىمى ەرماعانبەت بولەكپاەۆ قاتىسىپ, كونستيتۋتسيانى جاڭارتۋ جاي عانا قۇقىقتىق تۇزەتۋ ەمەس, زاماناۋي تەحنولوگيالىق, جاھاندىق وزگەرىستەر جاعدايىندا مەملەكەتتىلىكتى نىعايتۋدىڭ ستراتەگيالىق قادامى ەكەنىن اتاپ ءوتتى. ايماق باسشىسىنىڭ ايتۋىنشا, رەفورمالاردىڭ تابىستى جۇزەگە اسۋى جاستاردىڭ بەلسەندى ۇستانىمىنا تىكەلەي بايلانىستى.
كونستيتۋتسيالىق كوميسسيا مۇشەلەرى نۇركەن كوبجانوۆ پەن بەكزات التىنبەكوۆ كوميسسيا جۇمىسىنىڭ بارىسىنا توقتالىپ, وزگەرىستەردى ازىرلەۋ بارىسىندا قوعامدىق تالقىلاۋعا باسىمدىق بەرىلگەنىن جەتكىزدى.
«حالىقتىق كونستيتۋتسيا» اتاۋى كەزدەيسوق ەمەس. نەگىزگى زاڭداعى ءاربىر وزگەرىس قوعامنىڭ ناقتى سۇرانىسىنا جاۋاپ بەرۋگە ءتيىس. وسى ماقساتتا وڭىرلەردە كەزدەسۋلەر وتكىزىلىپ, ۇسىنىستار جيناقتالىپ جاتىر. بۇل ءتاسىل ساياسي شەشىمدەردىڭ اشىقتىعىن ارتتىرىپ, بيلىك پەن قوعام اراسىنداعى سەنىمدى نىعايتۋعا باعىتتالىپ وتىر.
كەزدەسۋدە ءسوز العان «تالداۋ قاراعاندى» وڭىرلىك تالداۋ مەكتەبىنىڭ تۇلەگى اسىلجان تولەگەنوۆ كونستيتۋتسيا دەڭگەيىندە ەكولوگيالىق قاعيداتتاردى بەكىتۋدىڭ ماڭىزىن اتاپ ءوتتى. يندۋستريالىق ايماق ءۇشىن قورشاعان ورتانى قورعاۋ ماسەلەسى وزەكتى. ەكولوگيالىق جاۋاپكەرشىلىكتى نەگىزگى زاڭدا ناقتىلاۋ – ۇزاقمەرزىمدى دامۋ كەپىلى.
ال وبلىستىق جاستار ءىسى جونىندەگى كەڭەس مۇشەسى جانبوتا ەلۋباەۆ زياتكەرلىك مەنشىكتى قورعاۋ تەتىكتەرىن كۇشەيتۋ قاجەتتىگىن ايتتى. ونىڭ پىكىرىنشە, جاستاردىڭ عىلىمي, تەحنولوگيالىق جانە كرەاتيۆتى باستامالارى سەنىمدى قۇقىقتىق نەگىزگە سۇيەنۋگە ءتيىس. بۇل – يننوۆاتسيالىق ەكونوميكا قالىپتاستىرۋدىڭ العىشارتى.
جيىن بارىسىندا قاتىسۋشىلار كونستيتۋتسيالىق رەفورمالاردىڭ باعىتتارى بويىنشا پىكىر ءبىلدىرىپ, وزدەرىن تولعاندىرعان ساۋالدارعا جاۋاپ الدى. اشىق فورماتتاعى ديالوگ وڭىرلىك دەڭگەيدە ساياسي مادەنيەتتىڭ نىعايىپ كەلە جاتقانىن كورسەتتى.
قاراعاندىداعى بۇل كەزدەسۋ رەفورمالاردىڭ ورتالىق دەڭگەيدە ەمەس, ايماقتاردا دا كەڭىنەن تالقىلانىپ جاتقانىن ايعاقتايدى. حالىقتىق كونستيتۋتسيا يدەياسى قۇقىقتىق قۇجاتتان گورى كەڭ ۇعىمدى بىلدىرەدى. ول – ادىلەتتىلىككە, اشىقتىققا ءارى پروگرەسكە نەگىزدەلگەن جاڭا قوعامدىق كەلىسىمنىڭ كورىنىسى. ەل دامۋىنىڭ كەلەسى كەزەڭى ءدال وسىنداي مازمۇندى, سالماقتى قوعامدىق ديالوگ ارقىلى ايقىندالاتىنى انىق.
قاراعاندى وبلىسى
