سونىمەن بىرگە ايتەكە بي, بايعانين, تەمىر جانە شالقار اۋداندارىنىڭ ءتورت شالعاي اۋىلىندا جاڭا مەكتەپ قۇرىلىستارى باستالادى. سونداي-اق اقتوبە قالاسىنداعى №5, №17, №22 جانە №37 ورتا مەكتەپتەرى تولىق جوندەلىپ, ماتەريالدىق-تەحنيكالىق بازاسى جاڭارتىلادى. الايدا, ون جىلدان بەرى جاڭا ءبىلىم وشاعىن تالاپ ەتىپ كەلگەن «سامارا-شىمكەنت» تاسجولى بويىنداعى قالىباي اۋىلىنىڭ ءوتىنىشى بۇل جولى دا ورىندالماي قالدى.
الماتى جىلۋ ەلەكتر ورتالىقتارىنىڭ تولىعىمەن گازعا كوشىرىلەتىن ۋاقىتى بەلگىلى بولدى
بىلتىر ون اۋىلدا مەديتسينالىق پۋنكتتەر بوي كوتەرسە, بيىل ءتورت اۋداندىق اۋرۋحاناعا قوسىمشا قۇرىلىس سالۋ جوسپارلانىپ, جوبالاۋ-سمەتالىق قۇجاتتارى ازىرلەندى. دەنساۋلىق ساقتاۋ مەكەمەلەرىن جاڭعىرتۋعا جەرگىلىكتى بيۋدجەتتەن بولىنەتىن قاراجات جەلتوقساندا وتكەن وبلىستىق ءماسليحاتتىڭ كەزەكتى سەسسياسىندا ناقتىلاندى.
ايتا كەتەيىك, وتكەن جىلى مەملەكەت باسشىسىنىڭ تاپسىرماسىمەن قايتارىلعان اكتيۆتەر ەسەبىنەن اقتوبە وبلىسىنا بولىنگەن 10 ميلليارد تەڭگەگە 12 الەۋمەتتىك نىسان بوي كوتەردى.
اقتوبە وبلىسى
