فوتو: istockphoto.com
2025 جىلى قوعامدىق دەنساۋلىق ساقتاۋ ۇلتتىق ورتالىعى سانيتاريالىق-ەپيدەميولوگيالىق قاۋىپسىزدىكتى قامتاماسىز ەتۋ جانە ينفەكتسيالىق ەمەس اۋرۋلار مەن ولاردىڭ قاۋىپ فاكتورلارىنىڭ الدىن الۋ باعىتىنداعى كەشەندى جۇمىستار جاسادى.
قاۋىپتى نيپاح ۆيرۋسى جانە قىزىلشا: قازاقستان شەكارادا باقىلاۋدى كۇشەيتتى
ورتالىق قىزمەتى دەرەكتەردى جان-جاقتى تالداۋعا, تاۋەكەلدەردى تۇراقتى باقىلاۋعا جانە مەملەكەتتىك ورگاندار ءۇشىن باسقارۋشىلىق شەشىمدەر ازىرلەۋگە نەگىزدەلدى.
«مەكەمە قۇرىلىمىندا التى نەگىزگى زەرتحانا جۇمىس ىستەيدى. ولار: ۆيرۋسولوگيا, باكتەريولوگيا, پارازيتولوگيا, اسا قاۋىپتى ينفەكتسيالار, حيميالىق-توكسيكولوگيالىق زەرتتەۋلەر, سونداي-اق رادياتسيالىق قاۋىپسىزدىك جانە گەنومدىق سەكۆەنيرلەۋ باعىتتارى. 2025 جىلى ورتالىق ماماندارى 1 500-دەن استام زەرتتەۋ مەن سەكۆەنيرلەۋ جۇرگىزدى. اينالىمداعى شتامدارعا جانە الەمدەگى ەپيدەميولوگيالىق احۋالعا تۇراقتى مونيتورينگ جاسالدى. تاۋلىك بويى جۇرگىزىلەتىن تالدامالىق باقىلاۋ ورتالىق قىزمەتىنىڭ ماڭىزدى بولىگى بولىپ قالا بەرەدى», دەلىنگەن دەنساۋلىق ساقتاۋ مينيسترلىگى تاراتقان حابارلامادا.
جىل ىشىندە COVID-19, كوكجوتەل, قىزىلشا, جەدەل رەسپيراتورلىق ۆيرۋستىق ينفەكتسيالار, تۇماۋ جانە پنەۆمونيا بويىنشا, سونداي-اق حالىقارالىق ەپيدەميولوگيالىق جاعدايعا قاتىستى 1 600-دەن استام تالدامالىق جانە اقپاراتتىق ماتەريال ازىرلەنگەن. ولاردا دامۋ بولجامدارى مەن ىقتيمال ستسەناريلەر قامتىلعان.
ايدا بالاەۆا قىزىلشاعا قاتىستى ەپيدەميولوگيالىق احۋالدى ەرەكشە باقىلاۋعا الۋدى تاپسىردى
