شىمكەنتتە ۇستىنە اعاش قۇلاعان 4-سىنىپ وقۋشى قازا تاپتى

20 رەت

كورسەتىلدى

1 مين

وقۋ ءۇشىن

شىمكەنت قالاسىندا وتكەن ءتۇنى قالىڭ قار جاۋدى. قالادا اعاشتار قۇلاپ, كەيبىر اۋدانداردا ەلەكتر جەلىلەرى ءۇزىلدى. قولايسىز اۋا رايىنىڭ سالدارىنان 4-سىنىپ وقۋشىسى قازا تاپتى. بالانى اۋلا سىپىرۋشىلار تاۋىپ, جەدەل جاردەم شاقىرعان. قايعىلى جاعدايدى قالا اكىمدىگى راستادى, دەپ حابارلايدى Egemen.kz.

بايان سۇلەيمەنقىزى

شىمكەنتتە ۇستىنە اعاش قۇلاعان 4-سىنىپ وقۋشى قازا تاپتى

فوتو: اشىق دەرەككوز

11 اقپان كەشكە ەلشىبەك باتىر كوشەسىندەگى ۇيلەردىڭ ءبىرىنىڭ اۋلاسىندا ۇلكەن اعاش بۇتاعى قاردىڭ سالماعىن كوتەرە الماي, قۇلاپ كەتكەن. سول ساتتە تومەندە مەكتەپ وقۋشىسى تۇرعان. ول العان جاراقاتتارىنىڭ سالدارىنان جەدەل جاردەم كەلگەنگە دەيىن كوز جۇمدى.

قايعىلى جاعدايعا بايلانىستى قالا اكىمىنىڭ تاپسىرماسىمەن وقيعانىڭ بارلىق ءمان-جايىن انىقتاۋ ءۇشىن ارنايى كوميسسيا قۇرىلدى. بيلىك وكىلدەرى مارقۇمنىڭ تۋىستارى مەن جاقىندارىنا كوڭىل ايتىپ, جان-جاقتى كومەك پەن قولداۋ كورسەتىلەتىنىن مالىمدەدى.

اكىمدىك وكىلدەرى ىلعالدى قاردىڭ اعاشتار مەن ءالسىز بەكىتىلگەن نىساندارعا ۇلكەن سالماق تۇسىرەتىنىن ەسكەرتەدى. سونداي-اق تۇرعىندارعا اۆتوكولىكتەردى اعاشتاردىڭ, ەلەكتر جەلىلەرىنىڭ جانە ءالسىز بەكىتىلگەن قۇرىلىمداردىڭ استىنا قويماۋعا كەڭەس بەرەدى.