فوتو: aikyn.kz
قازۇجعا ۆيتسە-پرەزيدەنتى, اكادەميك كارىمبەك قۇرماناليەۆ «عىلىم جانە يننوۆاتسيا قۇندىلىقتارى – باستى باعدار» اتتى بايانداما جاساپ, اتا زاڭ جوباسىنداعى زاماناۋي عىلىم مەن سالا داستۇرىنە باسىمدىق بەرەتىن باپتاردىڭ ءمان-ماڭىزىنا توقتالدى. كونستيتۋتسيانىڭ قوعام تالقىلاۋىنا ۇسىنىلعان ماتىنىندە باستى يدەيا رەتىندە عىلىم, ءبىلىم, يننوۆاتسيانىڭ الىنۋى وتاندىق عىلىمعا سەرپىن بەرەتىنىن ايرىقشا اتاپ ءوتتى. سونداي-اق
ول ادام كاپيتالىن دامىتۋ, ءبىلىمدى وركەندەتۋ, عىلىم مەن يننوۆاتسيانى ىلگەرىلەتۋ ەلىمىزدىڭ ستراتەگيالىق باعىتى دەپ تانىلعانى ەلىمىزدىڭ الەمگە تانىلۋىنا, جاستاردىڭ وسى سالاعا كەلىپ, ەلەۋلى ناتيجە كورسەتەتىنىنە ۇجىمنىڭ سەنىمدى ەكەنىن جەتكىزدى.
عىلىمي جيىندا ۇلتتىق جاراتىلىستانۋ عىلىمدارى اكادەمياسىنىڭ اكادەميكتەرى ۆلاديمير شكولنيك, ەرەنعايىپ وماروۆ, تىلەۋكەن احمەتوۆ, ەرجان كولدەەۆ, ابدىكەرىم زەينۋللين ءسوز الىپ, كونستيتۋتسيانىڭ جاڭا جوباسىندا العاش رەت ادىلەتتى قازاقستاننىڭ زاڭ مەن ءتارتىپ ۇستانىمى, مەملەكەتشىلدىك ءداستۇر, ەكولوگيالىق جاۋاپكەرشىلىك بايىپتالعانى, عىلىم مەن يننوۆاتسيانىڭ باستى قۇندىلىق رەتىندە ايقىندالعانى – ەلىمىزدىڭ يدەولوگيالىق پاراساتىن, الەۋمەتتىك-ەكونوميكالىق الەۋەتىن ارتتىرۋدا ايرىقشا كەزەڭگە جول اشىلاتىنىن دالەلمەن ايتتى.
باسقوسۋدا قازاقستان ۇلتتىق جاراتىلىستانۋ اكادەمياسىنىڭ اكادەميكتەرى جاڭا كونستيتۋتسيانىڭ جوباسىن قولدايتىنىنىن جەتكىزىپ, ماتىندەگى جەكەلەگەن باپتاردى جەتىلدىرۋگە بايلانىستى ويلارىن كوميسسيا قاراۋىنا جولداعانىن حابارلادى.
