موناكودان ۇتىلدى

العاشقى بولىپ كورتقا الەكساندر بۋبليك پەن ۋگو ­­نيشا شىقتى. ەلىمىزدىڭ ءبىرىن­شى را­كەتكاسى قارسىلاسىن باس كوتەرت­پەي ۇتتى – 6:0, 6:3. الەكساندر شەۆچەنكو مەن ۆالەنتين ۆاشەرو اراسىن­داعى باسەكەدە دە ءدال سونداي ەسەپ تىر­كەلدى. بىراق بۇل جولى فران­تسۋز تەننيسشىسى باسىمدىق تانىتتى. كەلەسى كۇنى الەكساندر بۋبليك پەن بەيبىت جۇقاەۆ رومەين ارنەودو/ۋگو نيش جۇبىمەن كۇش سىناستى. بۇل ويىننىڭ تارتىستى وتكەنى سونشالىق, بار­لىق سەت تاي-برەيككە دەيىن ۇلاس­تى. ءبىرىن­شى سەتتە جەرلەس­تەرى­مىز جەڭىسكە جەت­سە, قالعان ەكەۋى قوناقتار­دىڭ پاي­داسىنان شەشىلدى – 7:6, 6:7, 6:7.

شەشۋشى سايىس بۋبليك پەن ۆاشەرو اراسىندا ءوتتى. اتر رەيتينگىندە 25-ورىندا تۇرعان موناكونىڭ مارقاس­قاسى بىلتىر كۇزدە شانحايدا ۇيىمداستىرىلعان «ماستەرس» تۋرنيرىندە ەلىمىزدىڭ ەڭ ۇز­دىك ويىنشىسىن ويدا-جوقتا سۇرىندىرگەن ەدى. بۇل جولى دا ۆاشەرو سول جەڭىستىڭ كەزدەيسوق ەمەستىگىن دالەلدەدى. ەسەپ – 7:6, 7:6. ءسويتىپ, موناكودان 1:3 ەسەبىمەن جەڭىلىپ, مىقتىلار ساناتىنا قوسىلا الماعان جەر­لەستەرىمىز كەلەسى جىلى دەۆيس كۋبوگىنىڭ ءىى الەمدىك توبىندا ونەر كورسەتەتىن بولدى.