وقيعا 18 قاڭتار كۇنى شىعىس قازاقستان وبلىسى التاي اۋدانىنا قاراستى سولوۆيوۆو اۋىلىندا بولعان. ءوز ءۇيىنىڭ اۋلاسىندا شارۋاشىلىق جۇمىستارىمەن اينالىسىپ جۇرگەن رۋلان سەيىتوۆ كوپىلوۆ كوشەسىندەگى كورشىسىنىڭ ءۇيىنىڭ شاتىرىنان ءتۇتىن شىعىپ جاتقانىن بايقايدى. ول بىردەن كومەككە ۇمتىلعان.
ء«ۇيدىڭ كىرەبەرىس ەسىگىن اشۋعا ارەكەتتەنگەنىمەن, ءىشى قويۋ تۇتىنگە تولۋىنا بايلانىستى عيماراتقا كىرۋ مۇمكىن بولماعان. وسىدان كەيىن رۋلان سەيىتوۆ ءۇيدى اينالىپ ءوتىپ, ەكىنشى جاعىنان سىنعان تەرەزەنى كورەدى. تەرەزە ماڭىندا كومەككە مۇقتاج ەكى بالانى بايقاپ, ولاردى تۇتىنگە تولى ۇيدەن تەرەزە ارقىلى سىرتقا, تازا اۋاعا الىپ شىعادى. دالاداعى اۋا تەمپەراتۋراسىنىڭ تومەن بولۋىنا بايلانىستى بالالاردى ءوز ۇيىنە اپارىپ, جىلى جاعدايمەن قامتاماسىز ەتكەن», دەلىنگەن حابارلامادا.
ايتا كەتەيىك, ەرلىك كورسەتكەن رۋلان سەيىتوۆ سولوۆيوۆو ورتا مەكتەبىندە مۇعالىم بولىپ جۇمىس ىستەيدى.
