اتالعان جەڭىس اياسىندا ۋنيۆەرسيتەت HUMAN-AI اتتى حالىقارالىق عىلىمي جوبانىڭ كونسورتسيۋمىنا رەسمي تۇردە قوسىلدى. جوبا جاساندى ينتەللەكتىنىڭ ءبىلىم بەرۋ, عىلىم جانە قوعامعا اسەرىن ەسكەرە وتىرىپ, جوعارى ءبىلىم بەرۋ جۇيەسىن جاڭا جاھاندىق تالاپتارعا بەيىمدەۋگە باعىتتالعان.
HUMAN-AI جوباسىنىڭ نەگىزگى ماقساتى – جوعارى ءبىلىم بەرۋدە جاساندى ينتەللەكتىنى ەتيكالىق, ادامعا باعدارلانعان جانە جاۋاپتى تۇردە قولدانۋدىڭ كەشەندى مودەلىن ازىرلەۋ. جوبا شەڭبەرىندە AI-عا بەيىمدەلگەن يننوۆاتسيالىق وقىتۋ ستراتەگيالارىن دامىتۋ, اكادەميالىق ورتاعا ساي soft skills جۇيەسىن قالىپتاستىرۋ, وقۋ باعدارلامالارىن ەڭبەك نارىعىنىڭ تالاپتارىمەن ۇيلەستىرۋ كوزدەلگەن. سونىمەن قاتار تسيفرلىق ساۋاتتىلىقتى ادامگەرشىلىك قۇندىلىقتارمەن جانە جاۋاپتى پايدالانۋمەن ۇشتاستىرۋ, تەحنولوگيالىق وزگەرىستەر جاعدايىندا ءبىلىم بەرۋدەگى «ادام فاكتورىن» ساقتاۋ ماسەلەلەرى زەرتتەلەدى.
شىعىس قازاقستان تەحنيكالىق ۋنيۆەرسيتەتى Horizon Europe جەڭىمپازى اتاندى
HUMAN-AI – حالىقارالىق دەڭگەيدەگى اۋقىمدى جوبا. كونسورتسيۋم قۇرامىنا پولشا, ەستونيا, پورتۋگاليا, نيدەرلاند, سلوۆاكيا, ۋكراينا, تۇركيا, قازاقستان, تايلاند جانە برازيليا ەلدەرىنەن جەتەكشى عىلىمي جانە ءبىلىم بەرۋ ۇيىمدارى ەنگەن. قازاقستان تاراپىنان جوبانى قازاق ۇلتتىق قىزدار پەداگوگيكالىق ۋنيۆەرسيتەتىنىڭ پروفەسسورى سالعاراەۆا گۇلناز يبراگيمقىزى باسقارادى.
بۇل جەتىستىك قازاقستاننىڭ حالىقارالىق عىلىمي قاۋىمداستىقتاعى پوزيتسياسىن نىعايتىپ, ەلىمىزدىڭ جوعارى بىلىكتى كادرلىق الەۋەتى مەن عىلىمي ازىرلەمەلەرى بار سەنىمدى عىلىمي-تەحنولوگيالىق سەرىكتەس رەتىندە تانىلىپ وتىرعانىن دالەلدەيدى.
زاڭسىز جەكەشەلەندىرۋ: قىزدار پەداگوگيكالىق ۋنيۆەرسيتەتىنىڭ عيماراتى مەملەكەت مەنشىگىنە ءوتتى
ايتا كەتەيىك, بۇل – Horizon Europe باعدارلاماسى اياسىندا قازاقستاننان ماقۇلدانعان ەكىنشى جوبا. اتالعان جاڭالىق ەلىمىزدىڭ ەۋروپالىق عىلىمي كەڭىستىكتە تەك قاتىسۋشى عانا ەمەس, تولىققاندى ءارى سەنىمدى سەرىكتەسكە اينالىپ كەلە جاتقانىن كورسەتەدى.
قازاق اگروتەحنيكالىق زەرتتەۋ ۋنيۆەرسيتەتىندە Smart-اۋديتوريا اشىلدى
