«كاۋسار» مادەني-تانىمدىق بىرلەستىگىنىڭ جەتەكشىسى, مەملەكەتتىك سىيلىقتىڭ لاۋرەاتى كەنجەعالي مىرجىقباي كەش قوناعىنىڭ ءومىر جولىمەن قىسقاشا تانىستىرا كەلىپ, جيىننىڭ ماقساتىنا توقتالدى.
«بۇگىنگى كەشتىڭ ماقساتى – ستۋدەنت-جاستارعا جازۋشىنىڭ شىعارماشىلىعى مەن ەڭبەك جولىن كەڭىنەن تانىستىرا وتىرىپ, وتانسۇيگىشتىك پەن ۇلتجاندىلىققا باۋلۋ جانە رۋحاني-ادامگەرشىلىك قاسيەتتەرىن دامىتۋ», دەدى بىرلەستىك جەتەكشىسى.
ءيا, اۆتوردىڭ مەكتەپ وقىپ جۇرگەندە جازىلعان «قىزبەيىت», «قۇلاننىڭ اجالى» اڭگىمەلەرىنەن باستالعان شىعارماشىلىعى وقىرمانعا كەڭىنەن تانىس. سىنشى رەتىندە دە ۇلتتىق ادەبيەتىمىزدىڭ الۋان ءتۇرلى ماسەلەسىن قامتىپ, وزەكتى جايلارىنا توقتالعان كوپتەگەن ماقالاسىن وقىدىق.
جازۋشى قازىرگى قازاق پروزاسىنداعى ميفولوگيالىق سارىندار مەن ميستيكالىق ەلەمەنتتەردىڭ كوركەمدىك قىزمەتى تۋرالى وي ءبولىسىپ, ادەبي ۇدەرىستەرگە قاتىستى پىكىرىن ورتاعا سالدى. بالالار ادەبيەتى, ءتىل مادەنيەتى, ادەبيەت سىنى, كىتاپ وقۋ تاقىرىپتارىنا دا توقتالدى. سونداي-اق بىلىمگە ۇمتىلۋدىڭ ماڭىزىن اتاپ ءوتتى.
«ستۋدەنتتەردى كورىپ, ءوزىمنىڭ جاستىق شاعىم كوز الدىما كەلدى. ەڭ باستىسى, بىلىمگە ۇمتىلۋ, قالعان دۇنيە ءوزى كەلەدى. ءبىلىمنىڭ باستاۋى – ۇستاز. مەن سەرىك قيراباەۆ, مۇحتار ماعاۋين, نىعمەت عابدۋللين, سەرىك ماقپىر ۇلى سىندى كورنەكتى ۇستازداردان ءتالىم الدىم. بۇل تۇلعالاردىڭ ادام بولىپ قالىپتاسۋىمدا, قالامگەرلىك جولعا تۇسۋىمدە ورنى ەرەكشە. سىزدەر دە ەۋرازيا ۇلتتىق ۋنيۆەرسيتەتىندە ءبىلىم الىپ, ۇستازدارىڭىزدىڭ باعىت-باعدارىمەن ۇلكەن جەتىستىكتەرگە جەتەسىزدەر دەپ سەنەمىن», دەدى اسقار التاي.
كەزدەسۋ اياسىندا فيلولوگيا فاكۋلتەتىنىڭ ستۋدەنتتەرى اسقار التاي شىعارمالارىنان ۇزىندىلەر وقىپ, شىعارماشىلىق قابىلەتىن كورسەتتى. پروفەسسور جانتاس جاقىپ, اقىن ايتباي ساۋلەبەك, جازۋشى تولىمبەك ءابدىرايىم اۆتور شىعارمالارى تۋرالى وي ءبولىستى.
جيىن سوڭىندا ستۋدەنتتەرمەن سۇراق-جاۋاپ سەسسياسى ءوتتى.
