ۇلتتىق بانك حابارلايدى, تۇسىنىكتەمە بەرەدى, تۇسىندىرەدى

مەملەكەتتىك كورسەتىلەتىن قىزمەتتەردى ۇلتتىق بانكتە, ونىڭ اۋماقتىق فيليالدارىندا, سونداي-اق زاڭناماعا سايكەس «ەلەكتروندىق ۇكىمەت» ۆەب-پورتالىندا الۋعا بولادى. رەسپۋبليكانىڭ كەز كەلگەن نۇكتەسىنەن egov.kz-كە ءوتىنىش جاسالعان جاعدايدا, كورسەتىلەتىن قىزمەتتەردى الۋشىدان كومپيۋتەردە جۇمىس ىستەۋ داعدىلارىن مەڭگەرۋ جانە سۇراۋ سالۋ بەرۋ عانا تالاپ ەتىلەدى. قىزمەت كورسەتۋدى ۇسىنۋدىڭ ەلەكتروندىق نىسانى جاعدايىندا كورسەتىلەتىن قىزمەتتەردى الۋشى ەلەكتروندىق نەمەسە قاعازداعى قۇجاتتى, نە «ەلەكتروندىق ۇكىمەت» اقپاراتتىق جۇيەسىنەن مالىمەتتەر الادى. مەملەكەتتىك كورسەتىلەتىن قىزمەتتەردىڭ تالاپتارى مەن ءتارتىبى مەملەكەتتىك كورسەتىلەتىن قىزمەتتەر ستاندارتىمەن جانە رەگلامەنتىمەن بەلگىلەنەدى. مەملەكەتتىك قىزمەت كورسەتۋ ءتارتىبى تۋرالى بىرنەشە ارنا بويىن­شا بىلۋگە بولادى. ءبىرىنشى كەزەكتە كورسەتىلەتىن قىزمەتتى بەرۋشىلەر ورنالاسقان ورىنداردا; egov.kz ۆەب-پورتالىندا, ورتالىق مەملەكەتتىك ورگانداردىڭ ينتەرنەت-رەسۋرستارىندا, باق ارقىلى. سونداي-اق, اقپاراتتى بىرىڭعاي بايلانىس ورتا­لىعىنا حابارلاسىپ الۋعا بولادى.

• جاڭا رەداكتسياداعى مەملە­كەتتىك كورسەتىلەتىن قىزمەتتەر ءتىزى­لىمى.

قر ۇكىمەتىنىڭ 2013 جىلعى 18 قىركۇيەكتەگى №983 قاۋلىسىمەن بەكىتىلىپ, قر ۇكىمەتىنىڭ 2015 جىل­عى 9 اقپانداعى №45 قاۋلى­سىمەن جاڭا رەداكتسيادا بايان­دالعان. تىزىلىمدە قر ۇب-نىڭ مەملەكەتتىك كورسە­تىلەتىن قىزمەت­تەر تۋرالى اق­پارات قامتىلعان, وندا مەملەكەتتىك كورسەتىلەتىن قىزمەتتىڭ كىمگە باع­دار­لانعانى, مەملەكەتتىك كور­سە­تىلەتىن قىزمەت­تىڭ نىسانى ايقىندالعان.

• مەملەكەتتىك كورسەتىلەتىن قىزمەت­تەردىڭ ستاندارتتارى.

ستاندارتتا مەملەكەتتىك كورسە­­­تىلەتىن قىزمەتتەرگە تالاپتار بەل­گى­لەنگەن, سونداي-اق ۇدەرىس سيپا­ت­­­­تاماسى, نىسانى جانە ونى كور­سەتۋ­دىڭ مازمۇنى مەن ناتيجەسى ەنگىزىلگەن.

• مەملەكەتتىك كورسەتىلەتىن قىزمەتتەردىڭ پاسپورتى.

بۇل شاعىن بولىمدە مەملەكەتتىك كورسەتىلەتىن قىزمەتتەردىڭ قىس­قاشا سيپاتتاماسى بەرىلگەن: ونى الۋشى كىم بولىپ تابىلادى; قىزمەت كورسەتۋ ورنى, قۇنى, قىزمەت بەرۋشىنىڭ جۇمىس كەستەسى, كورسەتۋ مەرزىمى, نىسانى مەن ناتيجەسى. سونداي-اق, مەملەكەتتىك كورسەتىلەتىن قىزمەتتەر ستاندارتىنا سىلتەمە ورنالاستىرىلعان, وندا وسى ماسەلە بويىنشا قىزمەت بەرۋشىنىڭ جانە (نەمەسە) ونىڭ لاۋازىمدى تۇلعالارىنىڭ قر ۇب-نىڭ شەشىمدەرىنە, ءىس-ارەكەتتەرىنە (ارەكەتسىزدىگىنە) شاعىم ءتۇسىرۋ ءتارتىبى اشىلىپ كورسەتىلەدى.

• مەملەكەتتىك كورسەتىلەتىن قىز­مەتتەردىڭ رەگلامەنتتەرى.

رەگلامەنتتەردە مەملەكەتتىك كورسەتىلەتىن قىزمەتتەردىڭ ۇدەرى­سىنە قاتىسۋشى قىزمەتكەرلەردىڭ, قۇرىلىمدىق بولىمشەلەردىڭ ءىس-ارەكەت ەتۋ ءتارتىبى قامتىلىپ, ايقىن سيپاتتالعان.

• بيزنەس-ۇدەرىستەردىڭ انىقتا­مالىقتارى.

وندا مەملەكەتتىك كورسەتىلەتىن قىزمەتتەر ۇدەرىسىندە قىزمەت بەرۋ­شىنىڭ دايەكتى ءىس-ارەكەتى ەگجەي-تەگجەيلى سيپاتتالعان.

• مەملەكەتتىك كورسەتىلەتىن قىزمەتتەردى اۆتوماتتاندىرۋ.

بولىمدە اۆتوماتتاندىرىلعان مەملەكەتتىك كورسەتىلەتىن قىز­مەت­تەر تۋرالى اقپارات بار, وندا egov.kz ۆەب-پورتالىنىڭ «جەكە كابينەتىنەن», سونداي-اق http://elicense.kz/ سايتىندا ەلەكتروندىق/قاعاز نىساندا كورسەتىلەتىن قىزمەتتەر ءتىزىلىمىن الۋعا بولادى.

• ستاتيستيكالىق اقپارات.

مۇندا كورسەتىلگەن مەملە­كەتتىك قىزمەتتەردىڭ سانى بويىن­شا مالىمەتتەر, بەلگىلەنگەن مەر­زىمدەرى بۇزىلا وتىرىپ كورسە­تىلگەن قىز­مەتتەر ستاتيستيكاسى; ەسەپتى كەزەڭ­دەر ارالىعىنداعى شاعىمدار سانى ۇسىنىلعان.

• بايلانىس تەلەفوندارى:

بولىمدە مەملەكەتتىك قىز­مەت كور­سەتەتىن قر ۇب-نىڭ بولىمشە­لەرىنىڭ, سونداي-اق ونىڭ اۋماقتىق فيليالدارىنىڭ بايلانىس مالىمەت­تەرى بار.

• مەملەكەتتىك قىزمەتتەر كور­سە­تۋ ماسەلەسى بويىنشا قر ۇب قىزمەتى تۋرالى ەسەپ.

ەسەپتە قىزمەت الۋشىنىڭ جۇمى­سى بويىنشا, قىزمەت كورسە­تۋ ۇدەرىستەرىن جەتىلدىرۋ بويىن­شا قىزمەت, ونىڭ ساپاسىن باقىلاۋ بويىنشا اقپارات بەرىلگەن. مەملەكەتتىك كورسەتىلەتىن قىز­مەتتەر تۋرالى زاڭناماعا سايكەس ونى كورسەتۋ ماسەلەسى بويىنشا قىزمەت تۋرالى ەسەپتى ورتالىق مەملەكەتتىك ورگاندار egov.kz ۆەب-پورتالىندا, باق-تاعى ينتەرنەت-رەسۋرستاردا جىل سايىن ورنالاس­تىرادى. سونداي-اق, www.egov.kz پور­­­تالىنىڭ «بيزنەس ءۇشىن مەم­لە­كەتتىك كورسەتىلەتىن قىز­مەتتەر» قوسىمشاسىنا مەملە­كەتتىك كور­سەتىلەتىن قىزمەتتەر ستاندارتتارى تۋرالى اقپارات جانە ونى كورسەتۋدىڭ ءتارتىبى ورنالاستىرىلعان. قىزمەت الۋشى مەملەكەتتىك قىزمەت كورسەتۋدى الۋ كەزىندە ءوز قۇقىعىن بىلۋگە جانە ونىڭ ورىندالۋىن تالاپ ەتۋگە ءتيىس. بۇل تىزبەدە مەملەكەتتىك قىزمەت كورسەتۋ تۋرالى تولىق جانە انىق اقپاراتتى ءوتىنىش جاساپ الۋ قۇقىعىن راستايتىن تارماق بار; ستاندارتقا سايكەس ساپالى قىزمەت كورسەتۋدى الۋ. تىزبەدە قىزمەت بەرۋشىنىڭ شەشىمىنە, ءىس-ارەكەتىنە (ارەكەتسىزدىگىنە) شا­عىم جاساۋ قۇقىعى قامتىلعان; مەملەكەتتىك قىزمەت كورسەتۋ سالا­سىندا بۇزىلعان قۇقىعىن, بوستان­دىعى مەن زاڭدى مۇددەلەرىن قورعاۋ تۋرالى تالاپپەن سوتقا دەيىن جۇگىنۋ. سونداي-اق, قىزمەت بەرۋشى ستان­دارتقا جانە رەگلامەنتكە سايكەس مەملەكەتتىك قىزمەت كورسەتۋگە; مۇمكىندىگى شەكتەۋلى تۇلعالار ءۇشىن قاجەتتى جاعداي جاساۋعا; قولجەتىمدى نىساندا ونى كورسەتۋ ءتارتىبى تۋرالى تولىق جانە سەنىمدى اقپارات بەرۋگە مىندەتتى. ول, سونداي-اق, مەملەكەتتىك قىزمەت كورسەتۋ ءۇشىن (اقپاراتتىق جۇيەلەردىڭ ىقپالداسۋى ارقىلى) قاجەتتى قۇجاتتار مەن اقپاراتتى ۇسىنۋعا ءتيىس; ونى قاراۋدىڭ ناتي­جەلەرى تۋرالى قىزمەت الۋشىلاردىڭ شاعىمدارىن قاراۋعا جانە حاباردار ەتۋگە جانە ساۋالى بويىن­شا مەملەكەتتىك كورسەتىلەتىن قىزمەتتەردىڭ ورىندالۋى تۋرالى حابارلاپ, قىزمەت الۋشىلاردىڭ بۇزىلعان قۇقىقتارىن, بوستان­دىقتارى مەن زاڭدى مۇددەلەرىن قالىپقا كەلتىرۋگە باعىتتالعان شارالار الۋعا مىندەتتى. سونداي-اق, مەملەكەتتىك قىزمەت كورسەتۋ كەزىندە اقپاراتتىق جۇيەلەردە قامتىلىپ, زاڭمەن قورعالاتىن قۇپيانى قۇرايتىن مالىمەتتەر الۋعا جازباشا كەلىسىم الۋعا دا مىندەتتى.

نازيليا بيكماەۆا, ۇلتتىق بانكتىڭ مەملەكەتتىك قىزمەتتەردىڭ ساپاسىن باقىلاۋ باسقارماسىنىڭ  باس مامان-ەكونوميسى.

بانك قارىزدى ەسەپتەن شىعارۋعا قۇقىلى

«جاقىندا مەنىڭ جالاقى كارتامدى بانك وقشاۋلاپ تاستادى. ويتكەنى, مەن كرەديت بويىن­شا بورىشكەر بولىپ شىقتىم. سودان كەيىن قارىزىمنىڭ سوماسىن ەسەپتەن شىعاردى. ەكىنشى دەڭگەيدەگى بانكتەر كليەنتتەردىڭ شوتتارىن وقشاۋلاۋعا قۇقىعى بار ما, اتاپ ايتقاندا, جالاقى تۇسەتىن كارتوچكالىق شوتتاردى. سونداي-اق, ودان تولىق كولەمدە اقشانى ەسەپتەن شىعارۋعا قۇقىلى ما؟ نيكولاي ە., الماتى وبلىسى». «قازاقستان رەسپۋبليكا­سىن­داعى بانكتەر جانە بانك قىزمەتى تۋرالى» زاڭنىڭ 36-بابىنا سايكەس بانكتىك قارىز شارتى بويىنشا مىندەتتەمەلەردى ورىنداۋ مەرزىمىنىڭ ءوتۋى باستالعان كەزدە بانك (بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىم) قارىز الۋشىنى بانكتىك قارىز شارتىندا كوزدەلگەن ادىسپەن بانكتىك قارىز شارتى بويىن­شا تولەمدەردى تولەۋ قاجەتتىگى تۋرالى جانە قارىز الۋشىنىڭ ءوز مىندەتتەمەلەرىن ورىنداماۋىنىڭ سالدارلارى تۋرالى حاباردار ەتۋگە مىندەتتى. وسىلايشا, جوعارىدا كورسەتىلگەن حابارلامادان تۋىندايتىن تالاپتار قاناعاتتاندىرىلماعان كەزدە بانك (بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىم) قارىز الۋشىعا قارىز الۋشىنىڭ كەز كەلگەن بانك شوتتارىنداعى اقشانى داۋسىز (اكتسەپتسىز) تارتىپپەن ءوندىرىپ الۋعا (ەگەر مۇنداي ءوندىرىپ الۋ بانكتىك قارىز شارتىندا ەسكەرتىلگەن بولسا) قۇقىلى. بۇل جاعداي قارىز الۋشىنىڭ تالاپ ەتۋى بويىنشا اشىلعان بانك شوتتارىنداعى مەملەكەتتىك بيۋدجەتتەن جانە مەم­لەكەتتىك الەۋمەتتىك ساقتان­دىرۋ قورىنان تولەنەتىن جاردەماقىلارى مەن الەۋمەتتىك تولەمدەر تۇرىن­دە الاتىن اقشاعا قاتىستى قولدا­نىلمايدى. «اقشا تولەمى مەن اۋدارىمى تۋرالى» زاڭنىڭ 13-بابىنا سايكەس بانكتەر اقشا جونەلتۋشىنىڭ اكتسەپتىن تالاپ ەتپەيتىن تولەمدىك تالاپ-تاپسىرمانى جاسالعان بانكتىك قارىز شارتىنا, كرەديتتىك جەلى اشۋ تۋرالى كەلىسىمگە نەمەسە قارىز وپەراتسياسىنىڭ نە كە­پىلدىك بەرۋ فاكتىسىن راستايتىن وزگە دە قۇجاتقا سايكەس قارىز الۋشىنىڭ قارىز بويىنشا مەرزىمى وتكەن بەرەشەگى بولعان جاعدايدا, بەرەشەكتى قا­رىز الۋشىدان, كەپىلگەردەن ءوندىرىپ الۋ ءۇشىن قولدانادى جانە اقشا جونەلتۋشىنىڭ ءوز بانك شوتىنان اقشانى اكتسەپتسىز الىپ قويۋعا كەلىسىمى بار قۇجاتتار قوسا تىركەلىپ, اقشانى جونەلتۋشى بانككە بەرەدى. تولەمدiك تالاپ-تاپسىرمالاردى پايدالانا وتىرىپ تولەم جاساعان كەزدەگi قۇقىقتار مەن مiندەتتەر اقشا جونەلتۋشiنiڭ بانكiنە ونى ۇسىنعان كەزدەن باستاپ تۋىندايدى. اقشا جونەلتۋشiنiڭ بانكi تولەمدiك تالاپ-تاپسىرمانى العان كۇننەن كەيiنگi جۇ­مىس كۇنiنەن كەشiكتiرمەي, اقشا جونەلتۋشi بانككە اقشا جونەل­تۋشiنiڭ اكتسەپتiن تالاپ ەتپەيتiن تولەمدiك تالاپ-تاپسىرما قويىلعان جاعدايلاردى قوسپاعاندا الىنعان تولەمدiك تالاپ-تاپسىرمانى اقشا جونەلتۋشiگە اكتسەپتەۋi ءۇشiن بەرۋگە تيiس. اقشانى جونەلتۋشi تولەمدiك تالاپ-تاپسىرمانى العاننان كەيiن ونى اكتسەپتەۋگە نە ونى اكتسەپتەۋدەن دالەلدi تۇردە باس تارتۋعا تيiس. تولەمدiك تالاپ-تاپسىرمانى اقشا جونەلتۋشi نە اقشا جونەلتۋشi بانك اكتسەپتتەگەن جاعدايدا, ەگەر تالاپ-تاپسىرما اقشا جونەلتۋشiنiڭ اكتسەپتiن تالاپ ەتپەسە, تولەمدiك تالاپ-تاپسىرمانى جiبەرۋشiدە ونى ورىنداۋ جونiندە تالاپ ەتۋ قۇقىعى پايدا بولادى. ءوز كەزەگىندە الۋشى بانك (كليەنت­تىڭ بانك شوتى اشىلعان بانك) 179-نۇسقاۋلىقتىڭ 116-تار­ماعىنا سايكەس تولەمدىك تالاپ-تاپسىرمانى ورىنداۋ ءۇشىن قاجەتتى اقشا سوماسى جونەلتۋشىدە بولماسا نە اقشا سوماسى جەتكىلىكسىز بولسا, الۋشى-بانك اقشا جونەلتۋشىنىڭ اكتسەپتىڭ تالاپ ەتپەيتىن تولەمدىك تالاپ-تاپسىرمانى جانە اقشا جونەلتۋشى اكتسەپتەگەن تولەمدىك تالاپ-تاپسىرمانى العان كۇننەن باستاپ ءبىر جىل ىشىندە ساقتايدى. 179-نۇسقاۋلىقتىڭ 117-1-تار­ماعىنا سايكەس, وسى نۇسقاۋلىقتىڭ 116-تارماعىندا كورسەتىلگەن تولەم قۇجاتتارىن كارتوتەكاعا قويۋ كەزىندە بانك كارتوتەكاداعى تولەم قۇجاتتارى بويىنشا مىندەتتەمەلەردى تولىق وتەگەنگە دەيىن بانكتىك شوت بويىنشا كليەنتتىڭ شىعىس وپەراتسيالارىن توقتاتادى. وسى ارادا تۇسىندىرە كەتەيىك: تولەم تاپسىرمالاردى, تولەمدىك تالاپ-تاپسىرمالاردى, ينكاسسالىق وكىمدەردى رەسىمدەۋ, پايدالانۋ جانە ورىنداۋ جونىندەگى نۇسقاۋلىق قر ۇلتتىق بانكى باسقارماسىنىڭ 2000 جىلعى 25 ساۋىردەگى №179 قاۋلىسىمەن بەكىتىلدى. وسىلايشا, بانك-الۋ­شى كليەنتتىڭ تولەم تالاپ-تاپسىرمالارىن بانكتىك شوت­قا قويۋ كەزىندە جانە اتالعان شوتتا اقشانىڭ بولماۋى جاع­دايىن­دا زاڭناما نورمالارىن باسشىلىققا الا وتىرىپ, تولەم تالاپ-تاپسىرمانى ورىنداۋ ءۇشىن قاجەتتى جيناقتالعان سوماعا دەيىن شوت بويىنشا شىعىس وپەراتسيالارىن توقتاتادى.

سايت كومەككە كەلەدى

«مەن بانكتىڭ ماعان قويعان بورىش سوماسىمەن كەلىسپەيمىن. ۇلتتىق بانك بانكتىڭ قارىز الۋشىلارعا وتەۋگە ۇسىنعان بەرە­شەگى ەسەبىنىڭ دۇرىستىعىن تەكسەرە الا ما؟  سونداي-اق, اي سايىن­عى تولەم مولشەرىن, ءوسىمپۇل­دى, سىياقىنى, كوميسسيانى, سىي­اقىنىڭ جىلدىق ءتيىمدى مولشەر­لەمەسىن تەكسەرە الا ما؟ (سجتم) باۋىرجان ك. الماتى». ۇلتتىق بانك تۋرالى ەرەجەنىڭ مازمۇنىنا سايكەس, ونىڭ فۋنكتسيالارىنا بەرەشەك ەسەبىنىڭ ناقتىلىعىنا تەكسەرۋ جۇرگىزۋ كىرمەيدى. №377 قاۋلىمەن سجتم-نىڭ شەكتى مولشەرى 56% مولشەرىندە بەكىتىلگەن, ول بانكتىك قارىز شارتىن جاساۋ ساتىندە, سىياقى مولشەرلەمەسىن وزگەرتكەن جانە (نەمەسە) جاڭا كوميسسيالاردى جانە وزگە تولەمدەردى وزگەرتكەن نەمەسە ەنگىزگەن كەزدە وسپەۋگە ءتيىس. بۇدان باسقا, قارىز الۋشى ءوز مىندەتتەمەلەرىن تيىسىنشە ورىن­داماعان جاعدايدا, بانكتەر مىندەتتەمەلەردى ۋاقتىلى ورىن­داماعانى ءۇشىن تۇراقسىزدىق تولەمىن ۇستاپ قالۋعا قۇقىلى. بۇل جاعدايدا «بانكتەر تۋرالى» زاڭنىڭ 35-بابىنىڭ 2-تارماعىمەن جەكە تۇلعالارعا قارىزدار بويىنشا شەكتەۋ بەلگىلەنگەن, سوعان سايكەس تۇراقسىزدىق تولەمىنىڭ مولشەرى مەرزىمىن ۇزارتۋدىڭ ءار كۇنى ءۇشىن مەرزىمى ۇزارتىلعان تولەم سوماسىنان 0,5 پايىز ارتپاۋعا, بىراق بانكتىك قارىز شارتى ءىس-ارەكەتىنىڭ ءار جىلى ءۇشىن بەرىلگەن قارىز سوماسىنان 10%-دان اسپاۋعا ءتيىس. قر ۇب سايتىندا (http://nationalbank.kz) سجتم ەسەبىنىڭ كالكۋلياتورى جانە ديففەرەن­تسيالدى جانە اننۋيتەتتى ادىس­پەن اي سايىنعى تولەم ەسەبى ورنالاستىرىلعانىن اتاپ وتەمىز, ونىڭ كومەگىمەن قارىز الۋعا دەيىن اي سايىنعى تولەم جانە قارىز بويىنشا سجتم مولشەرىن الدىن الا ەسەپتەۋگە بولادى.

ءتيىمدى قارىز الۋدىڭ بەس قادامى

كرەديت الۋ بەلسەندىلىگى قاي­­­تادان ارتا تۇسۋدە. قازاق­ستاندىقتار سۇراتىلاتىن سومالاردى وزدەرىنىڭ تولەم قابىلەت­تىلىكتەرىمەن ولشەمەي, بانكتەرگە كرەديت الۋ ءۇشىن بارادى. ۇلتتىق بانك بۇل ورايدا قارىز الۋشىلار ءۇشىن ۇسىنىمدار ازىرلەدى. ەندى ونى وسى ماسەلە بويىنشا ساۋاتتى تۇردە شەشۋگە بولادى. 1-قادام. كرەديت ارقىلى ساتىپ الۋعا قاۋقارىڭىز جەتەتىنىڭىزگە سەنىمدى بولىڭىز. كرەديتكە قىزمەت كور­سەتۋگە بايلانىستى بارلىق تاۋە­كەلدەردەن ارتىپ تۇسەتىن تاۋار ساتىپ الۋعا قاجەت­­تىلىگىڭىزگە ال­دىن الا سەنىمدى بولۋىڭىز قاجەت. ءوزىڭىزدىڭ قار­جىلىق مۇم­كىندىگىڭىزدى باعالاپ, وتبا­سىلىق بيۋدجەتكە سالماق تۇسىر­مەيتىن قارىز بويىنشا تۇراقتى تولەم الۋىڭىزعا سەنىمدى بولعانىڭىز ءجون. وڭتايلى نۇسقا – اي سايىنعى تولەم وتباسىلىق بيۋدجەتتىڭ 20%-نان اسپاۋى كەرەك. قارىز الۋشىنىڭ كىرىسىنەن 50% دەڭگەيىندەگى بانكتەر قول­جەتىمدى جانە قولايلى بولادى. ىقتيمال قارىز الۋشىنىڭ بيۋد­جەتىن ەسەپتەۋگە مىنا سىلتەمە بويىنشا قر ۇب سايتىندا ور­نالاس­تىرىلعان كالكۋلياتور كومەكتەسەدى: http://nationalbank.kz/?docid=1386&switch=russian. 2-قادام. كرەديت بەرۋدىڭ ەڭ قولايلى شارتتارىن تابىڭىز. بىرنەشە بانكتەردە قارىزدار بەرۋدىڭ شارتتارىن زەردەلەڭىز. مىنالارعا نازار اۋدارىڭىز:

• كرەديت بەرۋ مەرزىمى;
• اي سايىنعى تولەم مولشەرى جانە تولەمنىڭ قورىتىندى سوماسى;
• قارىز بويىنشا سىياقى مول­شەرلەمەسى;
• سىياقىنىڭ جىلدىق ءتيىمدى مولشەرلەمەسى. سجتم مولشەرى نەعۇرلىم از بولسا, كرەديت بەرۋ شارتى سونشالىقتى ءتيىمدى بولادى. بانكتىك قارىز شارتىن جاساۋ ساتىندە سجتم 56%-دان ارتپاۋعا ءتيىس. ەسەپ جاساۋعا مىنا سىلتەمە بويىنشا كالكۋلياتور كومەكتەسەدى: http://nationalbank.kz/?docid=1382&switch=russian;
• قارىز شارتى بويىنشا مىن­دەت­تەمەلەردى بۇزعانى ءۇشىن ايىپ­پۇل سانكتسيالارىنىڭ مول­شەرى. تۇراقسىزدىق تولەمى مەرزىمى ۇزارتىلعان ءار كۇن ءۇشىن مەرزىمى ۇزار­تىلعان تولەم سوماسىنان 0,5% ارتپاۋعا ءتيىس.
• بانكتىك قارىز شارتى. بانك شارتتىڭ ۇلگىلىك نىسانىنىڭ كوشىر­مەسىن تانىسۋ ءۇشىن ۇسىنۋعا مىندەتتى.

3-قادام. بانكتىڭ تاريحىن جانە بەدەلىن زەردەلەڭىز. بانكتە كرەديت بەرۋگە ۋاكىلەتتى ورگاننىڭ ليتسەنزياسى بولۋعا ءتيىس. ەڭ دۇرىسى قارىزدى بەدەلى جوعارى بانكتەن الۋ كەرەك. بىراق, بۇل جاعدايدا, دامۋشى بانككە قاراعاندا, ادەتتەگىدەي, كرەديت بەرۋ شارتى قاتاڭىراق بولادى, وندا كليەنت بازاسى قاشاندا ساقتالادى. 4-قادام. قارىز بويىنشا مىن­دەتتەمەلەردى مەرزىمىندە ورىنداڭىز. قارىز بويىنشا تولەمدى مەرزى­مىنەن بۇرىن 2-3 كۇن ىشىندە ەنگىزىڭىز, بۇل كۇتپەگەن جاعدايلاردا ءسىزدىڭ قاۋىپ­سىزدىگىڭىزدى ساقتايدى (دەمالىس جانە مەرەكە كۇندەرى, بانك جۇيەسىندە ىركىلىس بولعاندا جانە باسقا جاعدايلاردا), ونداي جاعدايدا بەرەشەكتىڭ مەرزىمى ۇزارىپ كەتۋى مۇمكىن. 5-قادام. كەزدەيسوق جاعدايعا بايلانىستى بانك ۇسىنىمىن الىڭىز. كۇتپەگەن جاعدايلار تۋىنداعان كەزدە (جۇمىستان ايىرىلعاندا, كەنەتتەن اۋىرعاندا جانە باسقالار) قارىز الۋشى بەرەشەگىن قايتا قۇرىلىمداۋ ءۇشىن بانككە ءوتىنىش جاساعانى ءجون. قارىز الۋشىنىڭ يپوتەكالىق قارىز جاساعان بانكپەن سىندارلى ءسوزباي­لاسۋى بول­ماۋى جاعدايىندا, بانك ومبۋدسمەنىنە مىنا مەكەنجاي بويىنشا جۇگىنۋگە قۇقىلى: 050000, الماتى ق., رەسپۋبليكا الاڭى, 15-ءۇي, 237-وفيس نەمەسە نەسيە الۋ ورنى بويىنشا قر ۇب-تىڭ اۋماقتىق فيليالدارىن­دا. ولاردىڭ مەكەنجايلارى مىنا سايت­تا كورسەتىلگەن: www.nationalbank.kz. سونداي-اق, شاعىمدى ومبۋد­سمەننىڭ مىنا ەلەكتروندىق مەكەنجايلارىنا جىبەرۋگە بولادى: www.bank-ombudsman.kz,  office@bank-ombudsman.kz نەمەسە تەلەفوندار بويىنشا قوڭىراۋ شالىڭىز: +7 (727) 2 500 322; 2 500 344; +7 707 407 0117.

قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ ماقساتىندا

الماتىداعى ايتەكە بي كوشەسى, 67-ءۇي مەكەنجايىندا قازاقستان رەسپۋبليكاسى ۇلتتىق بانكىنىڭ قوعامدىق قابىلداۋ بولمەسى اشىلدى. مۇندا كۇن سايىن ساعات 10.00-دەن 17.00-گە دەيىن ء(ۇزىلىس ساعات 13.00-دەن 14.00-گە دەيىن) ۇلتتىق بانكتىڭ ماماندارى قارجىلىق قىزمەت كورسەتۋگە بايلانىستى ازاماتتاردى, زاڭدى تۇلعا وكىلدەرىن, جەكە كاسىپكەرلەردى قابىلداۋدى جۇرگىزەدى. اتاپ ايتقاندا, قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ ماسەلەسى بويىنشا كەڭەس بەرىلىپ, بانك­تىك, ساقتاندىرۋ, زەينەتاقى سالا­لارىنداعى, سونداي-اق باعا­لى قاعازدار نارىعىنداعى قولدانىستاعى زاڭناما نورمالارى تۇسىندىرىلەدى. قوعامدىق بىرلەستىكتەردىڭ وكىلدەرىمەن بىرلەسىپ ەكىنشى دەڭگەيدەگى بانك­تەردىڭ, بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ وكىلدەرىمەن پروبلەمالىق قارىز الۋشىلاردىڭ كەزدەسۋىن ۇيىمداستىرۋ كوزدەلگەن. «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» قر زاڭىنا سايكەس ءىستىڭ ءمانىسى بويىنشا ولاردى ودان ءارى قاراۋدى قامتاماسىز ەتۋ جانە وتىنىشتەردى قابىلداۋ جۇزەگە اسىرىلادى. قارجىلىق قىزمەتتى تۇتىنۋشى – باسقا وڭىرلەردىڭ تۇرعىندارى ۇلتتىق بانكتىڭ اۋماقتىق فيليالدارىندا قارجى ۇيىمدارىن باقىلاۋ جانە قارجى قىزمەتىنىڭ تۇتىنۋشىلارى قۇقىعىن قورعاۋ بولىمدەرىنە قۇقىقتىق كومەك الۋ ءۇشىن ءوتىنىش بىلدىرە الادى. ۇلتتىق بانكتىڭ قوعامدىق قابىلداۋ بولمەسى مەن بولىمدەرى قارجىلىق قىزمەت تۇتىنۋشىلارىنىڭ قۇقىقتارى مەن زاڭدى مۇددەلەرىن قورعاۋدى ءتيىستى دەڭگەيدە قامتاماسىز ەتۋگە ۇمتىلىپ, قارجىلىق قىزمەت كورسەتۋ/تۇتىنۋ جانە ميكروقارجىلىق قىزمەتتەر, اتالعان قىزمەتتەر تۇتىنۋشىلارىنىڭ قۇقىعىن قورعاۋ ماسەلەلەرى بويىنشا ءتۇسىندىرۋ جۇمىستارىن جۇرگىزەدى. سونداي-اق, ولاردىڭ قۇزىرەتىنە جەكە جانە زاڭدى تۇلعالاردان كەلىپ تۇسكەن وتىنىشتەر بويىنشا قىزمەتتەر تۋرالى اقپاراتتى اشۋ جانە قىزمەت كورسەتۋ كەزىندە قۇجاتتامالىق بەلگىلەنگەن تالاپتاردى ورىنداۋ بويىنشا قارجى نارىعىنىڭ سۋبەكتىلەرى مەن ميكروقارجىلىق ۇيىمداردىڭ قىزمەتىن جوسپاردان تىس جانە قۇجاتتامالىق تەسكەرۋ كىرەدى.

ۇلتتىق بانكتىڭ اۋماقتىق فيليالدارىنىڭ بايلانىس مالىمەتتەرى:

قوعامدىق قابىلداۋ بولمەسىنە جانە اۋماقتىق فيليالدارعا حابارلاسۋ ءۇشىن الدىن الا جازىلۋ تالاپ ەتىلمەيدى. انىقتاما الۋ ءۇشىن تەلەفون: +7 (727) 2 619-213.