پارتيالىق فراكتسيالار مەن باسقارۋشى ورگاندار جوبانى قولدايتىندارىن جانە ونى جالپىۇلتتىق رەفەرەندۋمعا دەيىن حالىققا كەڭىنەن ءتۇسىندىرۋ قاجەت ەكەنىن ايتتى.
«AMANAT» پارتياسىندا ۇسىنىلىپ وتىرعان وزگەرىستەر ساياسي مودەرنيزاتسيا باعىتىنىڭ لوگيكالىق جالعاسى ەكەنى ايتىلدى. پارتيا پارلامەنتتىڭ ءرولىن كۇشەيتۋگە, بيلىك تارماقتارى اراسىنداعى وكىلەتتىلىكتەردى قايتا بولۋگە جانە ازاماتتاردىڭ قۇقىقتارى مەن بوستاندىقتارىن مەملەكەت ءۇشىن ەڭ جوعارى قۇندىلىق رەتىندە بەكىتۋگە باسا نازار اۋداردى.
Respublica پارتياسى كونستيتۋتسيانىڭ جاڭارۋى قوعامدا ادىلدىككە, اشىقتىققا جانە بيلىككە دەگەن جاۋاپكەرشىلىكتى ارتتىرۋعا نەگىزدەلگەنىن اتاپ ءوتتى. پارتيا وكىلدەرىنىڭ پىكىرىنشە, جوبا ەسەپ بەرەتىن مەملەكەتتىڭ ينستيتۋتسيونالدىق نەگىزىن قالىپتاستىرادى جانە ازاماتتاردىڭ شەشىم قابىلداۋعا قاتىسۋىن كەڭەيتەدى.
جالپىۇلتتىق سوتسيال-دەموكراتيالىق پارتيا (جسدپ) كونستيتۋتسيالىق رەفورمانى ءادىل جانە الەۋمەتتىك باعدارلانعان مەملەكەت ۇلگىسىن تاڭداۋ دەپ اتاپ ءوتتى. پارتيا سوت جۇيەسىنىڭ تاۋەلسىزدىگىن نىعايتۋ جانە بيلىك تارماقتارى اراسىنداعى ناقتى تەڭگەرىمدى قامتاماسىز ەتۋ قاجەتتىگىنە نازار اۋداردى.
قازاقستان حالىق پارتياسى كونستيتۋتسيا «جاڭا قازاقستان» قۇرۋدىڭ قۇقىقتىق نەگىزى بولۋى ءتيىس دەپ مالىمدەدى, وندا ادام قۇقىعىنىڭ باسىمدىعى مەن مەملەكەتتىڭ قوعام الدىنداعى جاۋاپكەرشىلىگى ايقىن كورسەتىلۋى قاجەت.
«اق جول» دەموكراتيالىق پارتياسىنىڭ ورتالىق وفيسىندە ۇلتتىق كەڭەس پرەزيديۋمىنىڭ جانە پارلامەنتتەگى فراكتسياسىنىڭ بىرلەسكەن وتىرىسى ءوتتى. كەزدەسۋ قاتىسۋشىلارى كونستيتۋتسيا جوباسىن جان-جاقتى تالداۋدىڭ ماڭىزدىلىعىن اتاپ, ەكونوميكالىق ەركىندىكتەردى قورعاۋ, كاسىپكەرلىكتى دامىتۋ جانە بيزنەستى تۇراقتى قۇقىقتىق جاعدايمەن قامتاماسىز ەتۋ ماسەلەلەرىنە باسا نازار اۋداردى.
«اۋىل» فراكتسياسىنىڭ ماجىلىستەگى وتىرىسىندا دەپۋتاتتار كونستيتۋتسيانىڭ جاڭا جوباسىن تالقىلاپ, حالىق اراسىندا بەلسەندى ءتۇسىندىرۋ جۇمىستارىن جۇرگىزۋ قاجەتتىگىن اتاپ ءوتتى.
مىڭجىلدىق تاريحتىڭ ساباقتاستىعى – جاڭا كونستيتۋتسيا جوباسى ايقىنداپ بەرگەن باعدار
