سەرىك راحمەتوللا ۇلى جينالعان قاۋىمدى ەل بولاشاعى ءۇشىن ماڭىزدى قۇجاتتىڭ باسىم باعىتتارىمەن تانىستىرىپ, ۇسىنىلعان كونستيتۋتسيا جوباسىن مۇقيات زەردەلەۋگە جانە شىندىققا سايكەس كەلمەيتىن ارانداتۋشىلىق جاريالانىمداردىڭ ىقپالىنا تۇسپەي, تەك رەسمي قۇجاتقا سۇيەنە وتىرىپ, سىندارلى پىكىر قالىپتاستىرۋعا شاقىردى.
كونستيتۋتسيالىق رەفورما مەملەكەت باسشىسىنىڭ ءبىرپالاتالى پارلامەنت قۇرۋ جونىندەگى باستاماسىنىڭ نەگىزىندە تۋىندادى. كونستيتۋتسيا جوباسىنىڭ جاڭا رەداكتسياسىندا پرەامبۋلا, 11 ءبولىم جانە 95 باپ بەكىتىلۋ ۇسىنىلدى. وندا ادام قۇقىقتارى مەن بوستاندىقتارى – مەملەكەتتىڭ باستى باسىمدىعى رەتىندە انىقتالىپ, بىرلىك, ۇلتارالىق جانە دىنارالىق كەلىسىم مەملەكەتتىك قۇندىلىق رەتىندە بەكىتىلدى. ءبىلىم, عىلىم, مادەنيەت پەن يننوۆاتسيالاردى دامىتۋ – مەملەكەتتىك ساياساتتىڭ ستراتەگيالىق باسىم باعىتتارى رەتىندە اتالىپ, تسيفرلىق قۇقىقتاردى قورعاۋ مەن ساياسي ينستيتۋتتاردى قايتا قۇرۋ سياقتى جاڭا نورمالار ەنگىزىلدى. بۇل وزگەرىستەر ەلدىڭ قۇقىقتىق جۇيەسىن زاماناۋي تالاپتارعا سايكەس نىعايتۋعا باعىتتالعان.
«اۋىل» فراكتسياسىنىڭ دەپۋتاتتارى اتا زاڭ جوباسىن ءبىراۋىزدان قولداپ, ونىڭ قۇقىقتىق مەملەكەتتى نىعايتۋ جانە قازاقستاننىڭ ودان ءارى دامۋى ءۇشىن ماڭىزدىلىعىن اتاپ ءوتتى.
ادامي كاپيتال – مەملەكەتتىڭ باستى بايلىعى: AMANAT فراكتسياسى جاڭا كونستيتۋتسيا جوباسىن تالقىلادى
جاڭا كونستيتۋتسيا بويىنشا ناقتى شەشىم حالىق تاراپىنان جالپىۇلتتىق رەفەرەندۋمدا قابىلدانادى. كونستيتۋتسيالىق كوميسسيانىڭ جۇمىسى ودان ءارى جالعاسىپ جاتىر.
جاڭا كونستيتۋتسيا جوباسىن حالىققا ءتۇسىندىرۋ: ارانداتۋشىلار زاڭ الدىندا جاۋاپ بەرەدى
