اۋا رايىنىڭ قولايسىزدىعى: قاي وڭىرلەردە جولدار جابىلدى؟

«قازاۆتوجول» ۇلتتىق كومپانياسىنىڭ مالىمەتىنشە, 2026 جىلعى 2 اقپان ساعات 08:00-دەگى جاعداي بويىنشا رەسپۋبليكالىق ماڭىزى بار اۆتوجولداردىڭ كەلەسى ۋچاسكەلەرىندە كولىكتىڭ بارلىق ءتۇرى ءۇشىن قوزعالىسقا شەكتەۋ ەنگىزىلدى:

باتىس قازاقستان وبلىسى

• «اقتوبە – ورال – رف شەكاراسى» اۆتوجولىنىڭ 273–393 كم ارالىعى (بارباستاۋ اۋىلى – جىمپيتى اۋىلى ۋچاسكەسى);
• «اتىراۋ – ورال» اۆتوجولىنىڭ 371–492 كم ارالىعى (چاپاەۆو اۋىلى – ورال قالاسى ۋچاسكەسى).

قىزىلوردا وبلىسى

• «رف شەكاراسى – مارتۋك – اقتوبە – قارابۇتاق – قىزىلوردا – شىمكەنت – تاراز – قورداي – الماتى – قورعاس – قحر شەكاراسى» اۆتوجولىنىڭ 1522–1806 كم ارالىعى (№99 ستانتسيادان قىزىلوردا قالاسىنا دەيىن).

جولداردىڭ اشىلۋ ۋاقىتى الدىن الا 2026 جىلعى 2 اقپان ساعات 12:00 دەپ جوسپارلانىپ وتىر.

ء«ۇشارال – دوستىق» جولى جابىلدى: قوزعالىس قاشان جاندانادى؟

پاۆلودار وبلىسى

كولىك ايرىعىنىڭ ارالىق قۇرىلىمىنىڭ زاقىمدانۋىنا بايلانىستى «استانا – شىدەرتى – پاۆلودار – ۋسپەنكا – رف شەكاراسى» اۆتوجولىندا («قالقامان» ايرىعى – قالقامان اۋىلىنا كىرەبەرىس جانە استانا باعىتىنا شىعار جولدا ۋچاسكەسى) كولىكتىڭ بارلىق ءتۇرى ءۇشىن ۋاقىتشا قوزعالىسقا شەكتەۋ ەنگىزىلدى.

سونداي-اق شىعىس قازاقستان وبلىسىندا اۋىر تاۋلى جاعدايلارعا بايلانىستى 2024-2025 جىلداردىڭ قىسقى كەزەڭىندە وسينوۆ اسۋىندا جۇك كولىكتەرىنىڭ تىركەمەمەن جانە جارتىلاي تىركەمەمەن قوزعالىسىنا شەكتەۋ قويىلدى. شەكتەۋ 46–66 كم ارالىعىندا (سەۆەرنىي اۋىلىنا بۇرىلىس – سەرەبريانسك قالاسىنا بۇرىلىس) قولدانىلادى.