دارىگەرلەردىڭ ايتۋىنشا, كوزدىڭ قاساڭ قابىعىن ترانسپلانتاتسيالاۋ – وتە كۇردەلى وتا. مۇنداي وتالار تەك ءىرى رەسپۋبليكالىق ورتالىقتاردا جاسالادى. ال پاۆلودار وڭىرىندە العاش رەت جاسالىپ وتىر.
«28 قاڭتار كۇنى ءبىرىنشى رەت دونورلىق ماتەريال الىندى. سول كۇنى ەكى ناۋقاسقا ەكى وتا جاسالدى. ول پاتسيەنتتەر كۇتۋ پاراعىندا تۇرعان ەدى. وتا شامامەن 1,5-2 ساعاتقا سوزىلدى. بۇگىنگى تاڭدا وبلىستا كۇتۋ پاراعىندا 38 ادام بار. بۇل - سوڭعى ەكى جىلدا جينالعان پاتسيەنتتەر», دەيدى ع.سۇلتانوۆ اتىنداعى پاۆلودار وبلىستىق اۋرۋحاناسىنىڭ ءبولىم مەڭگەرۋشىسى قاسىمحان تىلەۋباەۆ.
كوز جانارى جاڭارعان ناۋقاستار 1956 جانە 1945 جىلعى ءوڭىر تۇرعىندارى. قازىر رەپيتسيەنتتەردىڭ جاعدايى تۇراقتى, دارىگەرلەردىڭ باقىلاۋىندا. وڭالۋعا شامامەن ءبىر جىلدان اسا ۋاقىت كەرەك.
