ەنەرگەتيكا مينيسترلىگىنىڭ مالىمەتىنشە, قازىرگى ۋاقىتتا 5 ۇڭعىما پايدالانۋعا بەرىلدى.
«تەڭىزشەۆرويل» كومپانياسىنىڭ تەحنيكالىق قىزمەتتەرى كەلەسى توپتىق ولشەۋ قوندىرعىسىن ىسكە قوسۋعا دايىندىق جۇمىستارىن جۇرگىزىپ جاتىر. مۇناي ءوندىرۋ كولەمىن ارتتىرۋ جۇيە پارامەترلەرى تۇراقتاندىرىلىپ, وندىرىستىك پروتسەستەردىڭ تولىق قاۋىپسىزدىگى قامتاماسىز ەتىلۋىنە قاراي كەزەڭ-كەزەڭىمەن جۇزەگە اسىرىلادى», دەلىنگەن حابارلامادا.
بۇعان دەيىن, 26 قاڭتاردا ەكىنشى بۋىن زاۋىتى ءساتتى ىسكە قوسىلعان بولاتىن. ونىڭ جۇمىسى قازىرگى ۋاقىتتا جۇمىس ىستەپ تۇرعان كورولەۆ كەن ورنىنان جەتكىزىلەتىن شيكىزاتپەن قامتاماسىز ەتىلىپ وتىر.
باكۋ-تبيليسي-دجەيحان ارقىلى 1,3 ملن توننا مۇناي تاسىمالداندى
ەنەرگەتيكا مينيسترلىگى مەن «قازمۇنايگاز» ۇك» اق جوبانىڭ جوسپارلى قۋاتتىلىققا قىسقا مەرزىمدە شىعۋىن قامتاماسىز ەتۋ ماقساتىندا وپەراتورعا جان-جاقتى قولداۋ كورسەتىپ وتىر.
قالپىنا كەلتىرۋ جۇمىستارىن ۇيلەستىرۋ ءۇشىن وندىرىستىك نىسانداردا تىكەلەي ەنەرگەتيكا ۆيتسە-ءمينيسترى قايىرحان تۇتقىشباەۆ جۇمىس جۇرگىزىپ جاتىت. جاعداي تۇراقتى باقىلاۋدا, باستى باسىمدىق – ونەركاسىپتىك قاۋىپسىزدىكتىڭ قاتاڭ تالاپتارىن ساقتاۋ.
ايتا كەتەيىك, 18 قاڭتاردا تەڭىزدەگى زاۋىتتا ترانسفورماتوردا ءورت شىققان. وسىدان كەيىن كەن ورنىن يگەرۋشى وپەراتور – «تەڭىزشەۆرويل» قاۋىپسىزدىك حاتتامالارىنا سايكەس مۇناي ءوندىرۋدى ۋاقىتشا توقتاتتى. وسىعان بايلانىستى قازاقستان ەنەرگەتيكا مينيسترلىگىنىڭ ارنايى كوميسسياسى تەڭىزدەگى مۇناي ءوندىرىسىنىڭ توقتاتىلۋىنا بايلانىستى تەكسەرۋدى باستاعان ەدى.
