فوتو: gov.kz
ءىس-شارانى ادىلەت مينيسترلىگىنىڭ زياتكەرلىك مەنشىك قۇقىعى كوميتەتى, قازاقستان رەسپۋبليكاسى مادەنيەت جانە اقپارات مينيسترلىگىنىڭ ارحيۆ, قۇجاتتاما جانە كىتاپ ءىسى كوميتەتى جانە قازاقستان رەسپۋبليكاسىنىڭ ۇلتتىق اكادەميالىق كىتاپحاناسى بىرلەسىپ ۇيىمداستىردى. جيىنعا مەملەكەتتىك ورگانداردىڭ وكىلدەرى, زياتكەرلىك مەنشىك سالاسىنىڭ ماماندارى, كىتاپحاناشىلار, ەلىمىزدەگى كوپشىلىك كىتاپحانا وكىلدەرى (ونلاين فورماتتا) قاتىستى.
شارانىڭ باستى ماقساتى – ەلەكتروندىق كىتاپحانالاردى قالىپتاستىرۋ جانە دامىتۋ بارىسىندا اۆتورلىق قۇقىق تالاپتارىنىڭ ساقتالۋىن قامتاماسىز ەتۋ, سونداي-اق قولدانىستاعى زاڭناماداعى وزگەرىستەردى ءتۇسىندىرۋ بولدى.
قازاقستاندا اۆتورلىق قۇقىقتى قورعاۋدىڭ بىرىڭعاي پلاتفورماسى قاشان ىسكە قوسىلادى؟
شارانىڭ مودەراتورى ادىلەت مينيسترلىگى زياتكەرلىك مەنشىك قۇقىعى كوميتەتى توراعاسىنىڭ ورىنباسارى كاكەن گۇلنارا قاراتايقىزى اۆتورلىق قۇقىق ماسەلەلەرى بويىنشا زاڭناماعا ەنگىزىلگەن وزگەرىستەرگە شولۋ جاساپ, ەلەكتروندىق كونتەنتتى زاڭدى پايدالانۋ تەتىكتەرىن ءتۇسىندىردى.
ۇلتتىق اكادەميالىق كىتاپحانانىڭ باسشىسى كۇمىس سەيىتوۆا ەلەكتروندى كىتاپحانالاردى قالىپتاستىرۋ قۇقىقتىق مادەنيەتتى تالاپ ەتەتىن كۇردەلى ءارى جاۋاپتى ۇدەرىس ەكەنىن باسا ايتىپ, كىتاپحاناداعى ەلەكتروندى قوردىڭ جۇمىسىنا توقتالدى. ال, ادىلەت مينيسترلىگى زياتكەرلىك مەنشىك قۇقىعى كوميتەتىنىڭ باس ساراپشىسى بوتاگوز ساتجانوۆا ءوز بايانداماسىندا مارراكەش شارتىنىڭ ماڭىزىن جانە زاعيپتار مەن كورۋ قابىلەتى بۇزىلعان, سونداي-اق باسپا اقپاراتىن قابىلداۋ مۇمكىندىگى شەكتەۋلى ازاماتتاردىڭ جاريا ەتىلگەن تۋىندىلارعا قولجەتىمدىلىگىن جەڭىلدەتۋ تەتىكتەرىن اتاپ ءوتتى.
