ونلاين-وقىتۋ باعدارلاماسىن 1 200-گە جۋىق جاس قاتىسۋشى ءساتتى اياقتاپ, ءتيىستى سەرتيفيكات الدى. بۇل ولاردىڭ مەديتسينالىق جانە الەۋمەتتىك باعىتتاعى ەرىكتىلىك قىزمەتكە كاسىبي تۇرعىدا ارالاسۋىنا جول اشتى. سونىمەن قاتار, مەديتسينالىق ۆولونتەرلىكتى وڭىرلەردە دامىتۋ ماقساتىندا استانا, الماتى, شىمكەنت, سەمەي جانە قاراعاندى قالالارىندا فرونت-وفيستەر اشىلدى. بىرىڭعاي كورپوراتيۆتىك ستيل بەكىتىلىپ, ۆولونتەرلەرگە ارنالعان ارنايى ەكيپيروۆكا ازىرلەندى.
گرانتتىق قولداۋ اياسىندا ۆولونتەرلىك ۇيىمدار بىرقاتار باسىم باعىت بويىنشا جوبالاردى جۇزەگە اسىردى. اتاپ ايتقاندا, الەۋمەتتىك وسال توپتارعا كومەك كورسەتۋ, سالاۋاتتى ءومىر سالتىن ناسيحاتتاۋ, دونورلىق قوزعالىستى دامىتۋ, العاشقى جانە پسيحولوگيالىق كومەك كورسەتۋ ءىسى كەڭىنەن قامتىلدى. بۇل باستامالار مەديتسينالىق ۆولونتەرلىكتىڭ تەك قوسالقى ەمەس, قوعام ءۇشىن ناقتى ماڭىزى بار ينستيتۋتقا اينالىپ كەلە جاتقانىن كورسەتتى.
بۇدان بولەك, 2025 جىلعى 29 قىركۇيەك پەن 12 قازان ارالىعىندا رەسپۋبليكالىق دەڭگەيدە QazMedFest اپتالىعى ءوتتى. اپتالىق بارىسىندا ۆولونتەرلىكتى كەڭىنەن تانىتۋعا جانە جاستاردى تارتۋعا باعىتتالعان ءتۇرلى ءىس-شارالار ۇيىمداستىرىلدى. جوبا قورىتىندىسى بويىنشا وڭىرلىك كەڭسەلەر جۇمىسىنىڭ ناتيجەلەرى مەن ۇزدىك باستامالار توپتاستىرىلعان «مەديتسينالىق ۆولونتەرلىكتىڭ ۇزدىك تاجىريبەلەرى» جيناعى جارىق كوردى.
توقاەۆ: ەڭ پايدالى ۇسىنىستارىڭىزدى جۇزەگە اسىرۋعا تاپسىرما بەرەمىن
جالپى, QazMed Digital پلاتفورماسىنىڭ ىسكە قوسىلۋى مەديتسينالىق ۆولونتەرلىكتى كاسىبيلەندىرۋ مەن تۇراقتى دامىتۋعا باعىتتالعان ماڭىزدى ينفراقۇرىلىمدىق نەگىز قالىپتاستىردى.
