فوتو: instagram.com/mkdaqtobe
دوڭگەلەك ۇستەلگە جەتىسۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى باقتيار بەيسەباەۆ, جاساندى ينتەللەكت جانە تسيفرلىق دامۋ مينيسترلىگى اەروعارىش كوميتەتىنىڭ «عارىشتىق تەحنيكا جانە تەحنولوگيالار ينستيتۋتى» جشس جەدەل قىزمەت دەپارتامەنتىنىڭ ديرەكتورى عارىشبەك ەششانوۆ, «نۇر جولى» كەدەن بەكەتىنىڭ باسشىسى مۇرات ەردەنبەكوۆ, «عارىشتىق تەحنيكا جانە تەحنولوگيالار ينستيتۋتى» جشس اۆتوموبيل تاسىمالدارى باسقارماسىنىڭ باسشىسى اسقار بەكبەرگەنوۆ پەن سىرتقى ەكونوميكالىق قىزمەت سالاسىنىڭ وكىلدەرى, تاسىمالداۋشىلار, كەدەن وكىلدەرى جانە بەيىندى ماماندار قاتىستى.
پرەمەر-مينيستر: اۋە جۇك تاسىمالى سالاسىن تسيفرلاندىرۋدى جەدەلدەتۋ قاجەت
جيىنعا قاتىسۋشىلار ەاەو اۋماعىندا ناۆيگاتسيالىق پلومبالار جۇيەسىن كەزەڭ-كەزەڭىمەن ەنگىزۋ ىسىندە اتقارىلاتىن جۇمىس جۇيەسىن ەگجەي-تەگجەيلى تالقىلادى. تالقى اياسىندا مىندەتتى قاداعالاۋعا جاتاتىن تاۋارلار مەن تاسىمالداردىڭ تىزبەسى, بيزنەس, لوگيستيكالىق جانە كولىك كومپانيالارى ءۇشىن بولجامدى وزگەرىستەر ءتۇسىندىرىلدى.
«ناۆيگاتسيالىق پلومبالاردى قولدانۋ تاۋارلار قوزعالىسىنىڭ اشىقتىعى مەن باقىلاۋىن ارتتىرىپ, جۇكتەردىڭ تۇتاستىعىن قامتاماسىز ەتۋگە جانە تاۋارلاردى جەتكىزۋدى, اۋىستىرۋدى, سونداي-اق زاڭسىز تاسىمال مەن كەدەن زاڭناماسىن بۇزۋ تاۋەكەلدەرىن ازايتۋعا باعىتتالعان», دەدى باقتيار بەيسەباەۆ.
بۇگىندە ەلىمىزدە ناۆيگاتسيالىق پلومبالاردى ەنگىزۋ جوباسى سوڭىنا تاياعان. بۇل مىندەتتى اتقارۋشى ۇلتتىق وپەراتور رەتىندە «عارىشتىق تەحنيكا جانە تەحنولوگيالار ينستيتۋتى» جشس بەكىتىلگەن. ءىس-شارا اياسىندا عارىشبەك ەششانوۆ ناۆيگاتسيالىق پلومبالاردى قولدانا وتىرىپ, تاسىمالدى مونيتورينگىلەۋگە جانە سۇيەمەلدەۋگە ارنالعان «Transit» اقپاراتتىق جۇيەسىن تانىستىردى. جۇيەنىڭ نەگىزگى فۋنكتسيالىق مۇمكىندىكتەرى, پايدالانۋشىلاردى قوسۋ ءتارتىبى مەن شتاتتىق, شتاتتان تىس جاعدايلاردا جۇمىس ىستەۋ الگوريتمدەرى كورسەتىلدى.
قازاقستان 42 ەلمەن اۆتوكولىك جۇك تاسىمالىن جۇزەگە اسىرادى
«ناۆيگاتسيالىق پلومبالاردى قولدانۋ ارقىلى جۇك تاسىمالىن ۇزدىكسىز ونلاين-مونيتورينگىلەۋگە بولادى. سونداي-اق ۋاكىلەتتى ورگانداردى تاسىمالداۋ پروتسەسىندە تۋىنداعان شتاتتان تىس جاعدايلار تۋرالى جەدەل حاباردار ەتىپ, وڭدەۋگە ارنالعان «Transit» تاسىمالداردى قاداعالاۋدىڭ اقپاراتتىق جۇيەسى ازىرلەندى. «Transit» اج ەەق مۇشە مەملەكەتتەردىڭ اۋماعىنداعى تاسىمالداۋ سالاسىنداعى زاماناۋي تسيفرلىق جانە تەحنولوگيالىق شەشىمدەردى قولدانۋدى كەڭەيتۋگە, تاسىمالداناتىن تاۋارلارعا قاتىستى كەدەندىك جانە باسقا دا مەملەكەتتىك باقىلاۋدىڭ ءداستۇرلى شارالارىنىڭ كولەمىن قىسقارتۋعا مۇمكىندىك بەرەدى», دەدى ول.
بۇعان دەيىن جۇك تاسىمالداۋ قىزمەتىندە مەحانيكالىق پلومبالار پايدالانىلعان. جۇيەنىڭ تسيفرلىق بالاماسى «نۇر جولى» كەدەن بەكەتىندە پيلوتتىق رەجيمدە سىناقتان ءوتىپ, تيىمدىلىگىن دالەلدەگەن.
«پيلوتتىق جوبا اياسىندا 544 كولىككە 1075 ناۆيگاتسيالىق پلومبا ءىلىندى. جوبا بارىسىندا مەملەكەتتىك كىرىستەر دەپارتامەنتىنىڭ احۋالدىق ورتالىعى, «كەدەن» اقپاراتتىق جۇيەسى جانە ۇلتتىق وپەراتوردىڭ «Transit» جۇيەسى اراسىنداعى ءوزارا ءىس-قيمىل الگوريتمى تولىقتاي پىسىقتالدى. حرونومەتراجدىڭ ناتيجەلەرى بويىنشا بارلىق ءراسىم از ۋاقىتتا ورىندالاتىنى مەن كەدەندىك باقىلاۋدان ءوتۋدىڭ جىلدامدىعىنا اسەر ەتپەيتىنى انىقتالدى», دەدى «نۇر جولى» كەدەن بەكەتىنىڭ باسشىسى مۇرات ەردەنبەكوۆ.
سونداي-اق جينالعاندار اۆتوموبيل جانە تەمىر جول تاسىمالدارى كەزىندە ناۆيگاتسيالىق پلومبالاردى پايدالانۋ قىزمەتتەرىنىڭ بەكىتىلگەن تاريفتەرى تۋرالى اقپار الدى.
