سالتانات ايتبەكوۆا شوقان ءۋاليحانوۆ اتىنداعى كوكشەتاۋ ۋنيۆەرسيتەتىنىڭ 4 كۋرس ستۋدەنتى. ول ءبىر جىل بۇرىن «ەنەرگيا وندىرەتىن سپورتتىق ۆەلوترەناجەر» تاقىرىبىندا عىلىمي ەڭبەگىن باستاعان بولاتىن. بۇگىنگى كۇنى جۇمىسىن تولىق جۇزەگە اسىردى.
«تەلەفونعا ءبىر مينۋتتىڭ ىشىندە 1 پايىز قۋات بەرە الادى. بۇل قۇرىلعى بۋراباي باۋرايىندا, وبلىس ورتالىعىنىڭ قوعامدىق ورىندارىندا ورنالاستىرىلادى. قازىرگى كەزدىڭ وزىندە سۇرانىسقا يە قۇرىلعىعا ەلەكتر ەنەرگياسىنىڭ قاجەتتىلىگى جوق. ادامنىڭ ىنتاسى مەن قۋاتى كەرەك», دەيدى سالتانات ايتبەكوۆا.
استانالىق ستۋدەنتتەر وكپە وبىرىن ەرتە انىقتايتىن جۇيە ويلاپ تاپتى
حالىقارالىق عىلىمي جوبالار بايقاۋىندا تۇركيا مەن رەسەيدەن كەلگەن عالىمدار سالتاناتتىڭ جوباسىنا جوعارى باعا بەردى. بۇل قولداۋ جاس زەرتتەۋشىنى ودان ءارى قاناتتاندىرا ءتۇستى. قازىر ۋنيۆەرسيتەت تاراپىنان قارجىلاي قولداۋعا يە بولعان ول الەۋمەتتىك-تەحنيكالىق كونكۋرسقا دايىندىق ۇستىندە.
«سالتانات بۇل جوبانى ءوز قولىمەن جاسادى. وسىعان ۇقساس ۆەلوترەناجەر كەيبىر باسقا دا دامىعان مەملەكەتتەردە بار. بىراق ولاردىڭ باعاسى قىمبات. 1,5 ملن-نان 3 ملن ارالىعىندا. ال, سالتانات 500 مىڭ تەڭگە قاراجاتقا جاسادى. مەن جەتەكشىسى رەتىندە قانداي عىلىمي قۇبىلىستار ارقىلى جۇمىس ىستەۋ كەرەك ەكەندىگى تۋرالى باعىت-باعدار بەردىم», دەيدى پروفەسسور نۇرگۇل نايزابەكقىزى.
قازىرگى تاڭدا كوپتەگەن ادامنىڭ دەنە بەلسەندىلىگى تومەن. جوبا اۆتورلارى قوزعالىستى ءتيىمدى رەتتەۋ ارقىلى ەكولوگيالىق تازا ەنەرگيا كوزىن وندىرۋگە بولاتىنىن دالەلدەپ وتىر.
كوكشەتاۋ
