ءمادي مىرزاعاراەۆ ۇسىنىلىپ وتىرعان بارلىق وزگەرىستەر قوعامنىڭ وزەكتى سۇرانىستارىنا جانە ۋاقىت تالاپتارىنا تولىق ساي كەلەتىنىن اتاپ ءوتتى.
«سوڭعى ەكى كۇن بويى ءبىز ۇسىنىلىپ وتىرعان وزگەرىستەردى جان-جاقتى ءارى مۇقيات تالقىلادىق. كەشە جوبانىڭ الدىن الا نۇسقاسى تانىستىرىلدى. مەن وسى تۇزەتۋلەردىڭ بارلىعىن تەرەڭ زەردەلەپ شىقتىم. ولاردىڭ قاتارىندا كونستيتۋتسيانىڭ مازمۇندىق تۇجىرىمداماسىن وزگەرتۋگە باعىتتالعان وزگە دە ماڭىزدى جاڭاشىلدىقتار از ەمەس», دەپ اتاپ ءوتتى ول.
ونىڭ ايتۋىنشا كونستيتۋتسيالىق كوميسسيا شەڭبەرىندە جاڭا كونستيتۋتسيا قابىلداۋ ماسەلەسىن قاراستىرۋ وتە ورىندى.
«قورىتىندىلاي كەلە, بۇل وزگەرىستەر بويىنشا سوڭعى شەشىمدى قازاقستان حالقى قابىلدايتىنىن تاعى ءبىر مارتە اتاپ وتكىم كەلەدى. ولاردىڭ تاعدىرىن رەفەرەندۋم ايقىندايدى. بۇگىنگى ءبىزدىڭ مىندەتىمىز – قوعامعا تۇسىنىكتى ءارى ادامعا باعدارلانعان كونستيتۋتسيالىق شەشىمدەردى ۇسىنۋ. ال ودان ارعىسى حالىقتىڭ قولىندا», دەپ تۇيىندەدى ول.
قازاقستاندا نەكە مەن وتباسى قۇندىلىقتارى كونستيتۋتسيالىق دەڭگەيدە كۇشەيتىلەدى
