نارىق كولەمى مەن قارجىلىق كورسەتكىشتەر
زەرتتەۋ دەرەكتەرىنە سۇيەنسەك, 2025 جىلدىڭ 6 ايىندا بولشەك ەلەكتروندىق ساۋدا نارىعىنىڭ اقشالاي كولەمى 1 721 ملرد تەڭگەنى قۇرادى. بۇل 2024 جىلدىڭ سايكەس كەزەڭىمەن سالىستىرعاندا 19%-عا وسكەن. نارىق كولەمى 3,4 ملرد دوللارعا جەتىپ, 4%-دىق ءوسىمدى تىركەدى.
الايدا, توقساندىق ديناميكا نارىقتىڭ ءوسۋ قارقىنىنىڭ ءبىرشاما باسەڭدەگەنىن بايقاتادى. ەگەر 2025 جىلدىڭ ءبىرىنشى توقسانىندا كورسەتكىش 863 ملرد تەڭگە بولسا, ەكىنشى توقساندا بۇل سان 859 ملرد تەڭگەگە دەيىن (0,4%-عا) ازايعان. بۇل قۇبىلىس نارىقتىڭ ەكستەنسيۆتى دامۋدان كەمەلدەنگەن, تۇراقتى قالىپقا كوشۋىمەن تۇسىندىرىلەدى.
ترانزاكتسيالار ديناميكاسى جانە تۇتىنۋشىلىق مىنەز-ق ۇلىق
نارىقتىڭ اقشالاي وسىمىنەن گورى, وپەراتسيالار سانىنىڭ ارتۋى الدەقايدا قارقىندى بولدى. ەسەپتى كەزەڭدە ترانزاكتسيالار سانى 27%-عا ارتىپ, 90,1 ملن بىرلىكتى قۇرادى. بۇل – حالىقتىڭ ونلاين ساتىپ الۋدى جيىلەتكەنىن, بىراق سوماسى ازىراق تاۋارلارعا باسىمدىق بەرە باستاعانىن اڭعارتادى. وسىعان بايلانىستى ورتاشا چەكتىڭ تومەندەۋى بايقالادى:
- تەڭگەدەگى ورتاشا چەك: 19,1 مىڭ تەڭگە (بىلتىرعىدان 6%-عا از).
- دوللارداعى ورتاشا چەك: 37,3 دوللار (18%-عا تومەندەگەن).
Strategy& سەرىكتەسى جانە ەۋرازيا وڭىرىندەگى كونسۋلتاتسيالىق پراكتيكانىڭ جەتەكشىسى ناتاليا ليم نارىقتاعى بۇل وزگەرىستەردى بىلايشا تۇجىرىمدايدى:
«2025 جىلدىڭ ءبىرىنشى جارتىجىلدىعىندا قازاقستانداعى بولشەك ەلەكتروندىق كوممەرتسيا نارىعى ءوسۋىن جالعاستىرىپ, 1 721 ملرد تەڭگەگە نەمەسە 3,4 ملرد دوللارعا جەتتى. اعىمداعى ديناميكا نارىقتىڭ بىرتىندەپ نەعۇرلىم كەمەلدەنگەن دامۋ مودەلىنە كوشۋىن ايعاقتايدى, مۇندا ءوسىم ونلاين-ارنالاردىڭ كۇندەلىكتى تۇتىنۋ داعدىسىنا اينالۋى ەسەبىنەن قامتاماسىز ەتىلەدى. ماركەتپلەيستەر تومەن قۇنى بار كۇندەلىكتى قاجەتتى تاۋارلارعا دەگەن سۇرانىستى شوعىرلاندىرا وتىرىپ, ونلاين-تۇتىنۋ لاندشافتىن وزگەرتۋدە شەشۋشى ءرول اتقارۋدى جالعاستىرىپ وتىر. ترانزاكتسيالار سانى 27%-عا ءوستى, ال تەڭگەدەگى ورتاشا چەك 6%-عا تومەندەدى», دەيدى ناتاليا ليم.
ماركەتپلەيستەردىڭ ۇستەمدىگى جانە نارىق قۇرىلىمى
وتاندىق e-commerce نارىعىندا ماركەتپلەيستەردىڭ ۇلەسى ابسوليۋتتىك كورسەتكىشكە جاقىنداپ كەلەدى. بۇگىندە بارلىق ونلاين ساۋدانىڭ 92%-ى ماركەتپلەيستەر ارقىلى وتەدى (بىلتىر بۇل كورسەتكىش 89% ەدى).
- جەرگىلىكتى پلاتفورمالار نارىقتىڭ 68%-ىن يەلەنەدى.
- حالىقارالىق پلاتفورمالار: 24%-دى قۇرايدى.
- جەكە ينتەرنەت-دۇكەندەر ۇلەسى 8%-عا دەيىن قىسقارعان, بىراق ولارداعى ورتاشا چەك (37,7 مىڭ تەڭگە) ماركەتپلەيستەرگە (18,4 مىڭ تەڭگە) قاراعاندا ەكى ەسە جوعارى. بۇل مامانداندىرىلعان دۇكەندەردىڭ قىمبات ءارى نيشالىق تاۋارلار سەگمەنتىندە ساقتالعانىن بىلدىرەدى.
ماركەتپلەيستەردەگى تاۋارلار مەن قىزمەتتەردى ءبولىپ تولەۋ ەرەجەسى رەتتەلمەك
دامۋ درايۆەرلەرى مەن نەگىزگى ترەندتەر
زەرتتەۋ اۆتورلارى نارىقتىڭ وسۋىنە بىرنەشە فاكتوردىڭ اسەر ەتكەنىن اتاپ ءوتتى:
- لوگيستيكالىق ينفراقۇرىلىم: فۋلفيلمەنت-ورتالىقتار مەن تاپسىرىس بەرۋ پۋنكتتەرىنىڭ جاپپاي اشىلۋى جەتكىزۋ ۋاقىتىن قىسقارتىپ, قولجەتىمدىلىكتى ارتتىردى.
- تسيفرلىق ساۋاتتىلىق: قازاقستاندا ينتەرنەت پايدالانۋشىلار سانى 19,5 ملن-عا (حالىقتىڭ 93,4%-ى) جەتتى.
- قارجىلىق قۇرالدار: ءبولىپ تولەۋ مەن نەسيەلىك ونىمدەردىڭ ماركەتپلەيستەرمەن بىرىگۋى ساۋدانىڭ نەگىزگى قوزعالتقىشى بولىپ قالا بەرمەك. الايدا, 2025 جىلدىڭ ەكىنشى توقسانىنداعى باسەڭدەۋ تۇتىنۋشىلىق نەسيە بەرۋدى رەتتەۋدىڭ قاتاڭداۋىمەن دە بايلانىستى بولۋى مۇمكىن.
قازاقستانداعى ەلەكتروندىق كوممەرتسيانىڭ جالپى بولشەك ساۋداداعى ۇلەسى 17,1%-عا جەتتى. بۇل – الەمدىك دەڭگەيدەگى ورتاشا كورسەتكىشتەرمەن يىق تىرەسەتىن ناتيجە.
ماركەتپلەيستەردە «قازاقستاندا جاسالعان» دەپ اتالاتىن ارنايى ءبولىم اشىلادى
ساۋدانىڭ ونلاين بولعانى – زامان اعىمى. بىراق سول ۆيرتۋالدى سورەلەردە وتاندىق وندىرۋشىلەردىڭ ءونىمى دە سالماقتى ورىن السا, ۇلتتىق ەكونوميكانىڭ ەڭسەسى ودان بەتەر تىكتەلەرى انىق. تسيفرلىق الەمنىڭ شىرماۋىنا ىلىككەندە, ساتىپ الۋدىڭ جەڭىلدىگىنە عانا ەمەس, ونىڭ ەكونوميكالىق تيىمدىلىگى مەن ۇلتتىق مۇددەگە سايكەستىگىنە دە ءمان بەرگەن ابزال.
