فوتو: azattyq-ruhy.kz (ارحيۆ)
جۋرناليستەردىڭ مەديتسينا قىزمەتكەرلەرىنە شابۋىل جاساعانى ءۇشىن جاۋاپكەرشىلىكتى كۇشەيتەتىن جاڭا نورمالارعا بايلانىستى قويعان سۇراعىنا جاۋاپ بەرگەن يگور لەپەحا ناقتى قۇقىقتىق باعا تەرگەۋ بارىسىندا بەرىلەتىنىن ايتتى. ونىڭ سوزىنشە, بۇل جاعدايدا قىلمىستىڭ ءوزى اسا اۋىر ساناتقا جاتادى.
«بۇل – ناقتى تەرگەۋشىنىڭ قۇزىرەتىندەگى ماسەلە. ءىستىڭ بارلىق ءمان-جايى ەسكەرىلىپ, سوعان ساي قۇقىقتىق باعا بەرىلەدى. دەگەنمەن, ادام ءولتىرۋ فاكتىسى بويىنشا قىلمىستىق ءىستىڭ قوزعالۋىنىڭ ءوزى وتە اۋىر سالداردى بىلدىرەدى. جاڭا نورمالار نەگىزىنەن قورقىتۋ نەمەسە كۇش قولدانۋ قاۋپى بار جاعدايلارعا قاتىستى قابىلدانعان. ال ادام ءولتىرۋ – بۇل ءوز الدىنا بولەك, اسا اۋىر قىلمىس, ونىڭ سارالاۋ بەلگىلەرى وزگەشە. ونداي باپ ونسىز دا وتە قاتاڭ, سوندىقتان قوسىمشا تۇزەتۋلەردىڭ قاجەتى جوق», دەدى يگور لەپەحا.
سونىمەن بىرگە ءىىم باسشىسىنىڭ ورىنباسارى تەرگەۋ ورگاندارى قاجەت بولعان جاعدايدا ءىستى قىلمىستىق كودەكستىڭ وزگە دە نورمالارىمەن جيىنتىق تۇردە قاراستىرۋى مۇمكىن ەكەنىن اتاپ ءوتتى.
