سۋرەت: astanazan.kz
اتالعان وزگەرىستەر مەملەكەتتىك اپپاراتتىڭ تيىمدىلىگىن ارتتىرۋعا جانە قوعام سەنىمىن نىعايتۋعا ارنالعان. جيىن بارىسىندا مەملەكەتتىك قىزمەتتىڭ گيبريدتى مودەلىن ەنگىزۋ, جەكە جانە كۆازيمەملەكەتتىك سەكتوردان كاسىبي كادر تارتۋ, سونداي-اق «eQyzmet» تسيفرلىق ىرىكتەۋ جۇيەسى ارقىلى اشىقتىق پەن مەريتوكراتيانى كۇشەيتۋ جونىندەگى ءىس-شارالار تانىستىرىلدى.
اگەنتتىك توراعاسى مەملەكەتتىك قىزمەتشى كاسىبي, جاۋاپتى جانە قوعام سەنىمىنە يە تۇلعا بولۋعا ءتيىس ەكەنىن اتاپ ءوتىپ, اشىق, ءادىل جانە ادامعا باعدارلانعان مەملەكەتتىك قىزمەتتىڭ جاڭا ۇلگىسىن قالىپتاستىرۋعا بەلسەندى قاتىسۋعا شاقىردى.
سونىمەن قاتار اگەنتتىك توراعاسى دارحان جازىقباي سەنات جانىنداعى «تالداۋ مەكتەبىنىڭ» تىڭداۋشىلارىمەن كەزدەستى. جۇزدەسۋدە مەملەكەتتىك اپپاراتتى كاسىبيلەندىرۋ, تسيفرلاندىرۋ, HR-ۇدەرىستەردى جەتىلدىرۋ, جاساندى ينتەللەكت تاقىرىپتارىن قامتىدى.
ءىس-شارا بارىسىندا اگەنتتىكتىڭ مەملەكەتتىك باسقارۋعا زاماناۋي تەحنولوگيالاردى ەنگىزۋ باعىتىنداعى نەگىزگى باستامالارى تانىستىرىلدى. اسىرەسە «eQyzmet» ينتەگراتسيالانعان اقپاراتتىق جۇيەسى نەگىزىندە ازىرلەنگەن مەملەكەتتىك قىزمەتكە ىرىكتەۋدىڭ تولىق اۆتوماتتاندىرىلعان جاڭا مودەلىنە ەرەكشە نازار اۋدارىلدى.
سونداي-اق قاتىسۋشىلارعا كادرلىق الەۋەتتى باسقارۋعا ارنالعان ينتەراكتيۆتى اناليتيكالىق ماتەريالدار كورسەتىلىپ, ستراتەگيالىق باسقارۋشىلىق شەشىمدەر قابىلداۋدا دەرەكتەردى تالداۋدىڭ ماڭىزى اتالىپ ءوتتى. مەملەكەتتىك باسقارۋ سالاسىنا جاساندى ينتەللەكت تەحنولوگيالارىن ەنگىزۋگە باعىتتالعان «AI زەرتحاناسىنىڭ» تانىستىرىلىمى قاتىسۋشىلاردىڭ ەرەكشە قىزىعۋشىلىعىن تۋدىردى. اتاپ ايتقاندا, «Smart HR» ينتەللەكتۋالدى كادر ىرىكتەۋ پلاتفورماسىنىڭ مۇمكىندىكتەرى ۇسىنىلدى.
بۇدان بولەك, دارحان جازىقباي «زاڭ مەن ءتارتىپ», «حالىق ۇنىنە قۇلاق اساتىن مەملەكەت» جانە «ادال ازامات» قاعيداتتارىنىڭ ورنىعۋى ادىلەتتى قازاقستاندى قالىپتاستىرۋداعى نەگىزگى ۇستانىم ەكەنىن ايتىپ, قاتىسۋشىلاردى تولعاندىرعان سۇراقتارعا جاۋاپ بەردى.
كەزدەسۋ سوڭىندا «تالداۋ مەكتەبى» تىڭداۋشىلارى مەملەكەتتىك قىزمەتتى ودان ءارى دامىتۋ, تسيفرلىق شەشىمدەردى ەنگىزۋ جانە جاساندى ينتەللەكتىنى پراكتيكالىق تۇرعىدا قولدانۋ بويىنشا وي-پىكىرلەرىن ورتاعا سالدى.
