جەرگىلىكتى اتقارۋشى ورگاندار جەدەل تۇردە نىسانعا بارىپ, ۆيزۋالدى تەكسەرۋ جۇرگىزىپ, جاعدايعا قۇقىقتىق باعا بەرگەن. تەكسەرۋ ناتيجەسىندە انىقتالعان ولقىلىقتار سول كۇنى مەردىگەر ۇيىمعا رەسمي تۇردە كورسەتىلىپ, «Arsh Stroy» جشس كەمشىلىكتەردى بەلگىلەنگەن مەرزىمدە جويۋ بويىنشا مىندەتتەمە العان.
«شاتىرداعى اقاۋلاردى جويۋ جۇمىستارى بيىلعى جىلدىڭ 1 اقپانىنا دەيىن تولىق اياقتالادى. جاعداي تۇراقتى باقىلاۋدا تۇر», دەپ مالىمدەدى مەردىگەر ۇيىم وكىلدەرى.
قازىرگى ۋاقىتتا نىساندا جەرگىلىكتى اتقارۋشى ورگان وكىلدەرى, دەپۋتاتتار, سونداي-اق «Amanat» پارتياسىنىڭ توراعاسى بولىپ, جاعدايدى باقىلاۋدا ۇستاپ وتىر. بۇزۋشىلىقتاردى جويۋ بارىسىن جاۋاپتى مەملەكەتتىك قۇرىلىمدار ۇيلەستىرەدى.
ايتا كەتەيىك, 900 وقۋشىعا ارنالىپ سوعىلعان №20 ورتا مەكتەپ 2013 جىلى پايدالانۋعا بەرىلگەن. الايدا بۇگىندە مۇندا ەكى اۋىسىمدا شامامەن 1 800 وقۋشى ءبىلىم الادى.
وقۋ ورنى 2024 جىلعى 21 مامىردا كۇردەلى جوندەۋگە جابىلىپ, 2025 جىلعى 1 قىركۇيەكتە قايتا جۇمىسىن باستادى.
جوندەۋ جۇمىستارىنىڭ تاپسىرىس بەرۋشىسى - ىلە اۋدانى اكىمدىگى, ال مەردىگەر – «Arsh Stroy» جشس.
تەكسەرۋ بارىسىندا مەكتەپتىڭ جەرتولە بولمەسىندە سۋدىڭ جينالعانى دا انىقتالعان. قازىرگى ۋاقىتتا سۋدى سورعىتۋ جانە بولمەلەردى كەپتىرۋ جۇمىستارى جۇرگىزىلىپ جاتىر. ىلعالدىڭ پايدا بولۋ سەبەپتەرى ناقتىلانىپ جاتىر.
سونىمەن قاتار, درەناج جۇمىستارى بۇعان دەيىن باستالعانىمەن, تولىق اياقتالماعان. اۋا رايى جىلىنعاننان كەيىن جۇمىس جالعاسادى.
