فوتو: prodengi.kz
بۇعان دەيىن تۇقج جۇيەسى بويىنشا يپوتەكانى تەك وتباسى بانكى ارقىلى راسىمدەۋگە بولاتىن. ەندى مۇنداي باعدارلامالاردى كوممەرتسيالىق بانكتەر دە ۇسىنا الادى, بۇل باسەكەلەستىكتى ارتتىرىپ, يپوتەكالىق ونىمدەردىڭ قولجەتىمدىلىگىن كەڭەيتەدى.
بۇل جۇيە ستاندارتتى يپوتەكاعا قاراعاندا پايىزدىق مولشەرلەمەسىنىڭ تومەندىگىمەن ءتيىمدى.
جۇيەنىڭ نەگىزگى قاعيداتى كليەنت ارنايى دەپوزيتتە جيناق قالىپتاستىرىپ, تۇرعىن ءۇي قۇنىنىڭ كەمىندە 50%-ىن جيناۋى قاجەت. جيناقتاۋ مەرزىمى نەعۇرلىم ۇزاق بولسا, نەسيە مولشەرلەمەسى سوعۇرلىم تومەن بولادى.
ۇلتتىق بانك توراعاسى ازاماتتارعا يپوتەكاعا ءۇي الۋدى كەيىنگە قالدىرۋعا كەڭەس بەردى
مىسالى, وتباسى بانكىندەگى ەڭ تومەنگى 3,5% مولشەرلەمەنى الۋ ءۇشىن دەپوزيت كەمىندە ءۇش جىل بويى تولتىرىلۋى ءتيىس. تۇرعىن ءۇي جيناق دەپوزيتتەرى بويىنشا مولشەرلەمەلەر ادەتتەگى بانكتىك ونىمدەرگە قاراعاندا ەداۋىر تومەن.
تۇزەتۋلەر كۇشىنە ەنگەننەن كەيىن كوممەرتسيالىق بانكتەر تۇقج جۇيەسى بويىنشا جيناق دەپوزيتتەرىن اشىپ, قارىزدار بەرە الادى.
قارجى نارىعىن رەتتەۋ جانە دامىتۋ اگەنتتىگىنىڭ (قنردا) مالىمەتىنشە, تۇقج بويىنشا جۇمىس ىستەۋ ءۇشىن ارنايى ليتسەنزيا تالاپ ەتىلمەيدى, قولدانىستاعى بانك ليتسەنزياسى جەتكىلىكتى.
ايتا كەتەتىن جايت, مەملەكەتتىك سىياقى تەك وتباسى بانكىندەگى سالىمدار ءۇشىن ساقتالادى. ول جىلىنا ءبىر رەت 200 اەك-كە دەيىنگى سوماعا ەسەپتەلەدى. سىياقى مولشەرى – دەپوزيتكە سالىنعان قاراجاتتىڭ 20%-ى. 2025 جىلعا ارنالعان مەملەكەتتىك سىياقىنىڭ ەڭ جوعارى سوماسى 157 280 تەڭگەنى قۇرادى.
ەندى تۇرعىن ۇيدە ۇلەسى بار ازاماتتار جەڭىلدەتىلگەن يپوتەكا الا الادى
كوممەرتسيالىق بانكتەردىڭ كليەنتتەرىنە مەملەكەتتىك سىياقى قاراستىرىلمايدى. مولشەرلەمەلەر مەن شارتتاردى بانكتەر وزدەرى بەلگىلەيدى.
قارجى نارىعىن رەتتەۋ جانە دامىتۋ اگەنتتىگىنىڭ مالىمەتىنشە, زاڭ كۇشىنە ەنگەنگە دەيىن بانكتەردىڭ تۇقج جۇيەسىمەن جۇمىس ىستەۋ ءتارتىبىن ناقتىلايتىن قوسىمشا نورماتيۆتىك-قۇقىقتىق اكت قابىلدانۋى مۇمكىن.
بۇل تۇزەتۋلەر قازاقستانداعى بارلىق بانكتەردىڭ كليەنتتەرى ءۇشىن جيناقتاۋ ارقىلى يپوتەكانى قولجەتىمدى ەتۋدىڭ جولىن اشادى. ال مەملەكەتتىك قولداۋدىڭ وتباسى بانكىندە ساقتالۋى نارىقتى ىنتالاندىرۋ مەن مەملەكەتتىك باعدارلامالاردى قورعاۋ اراسىنداعى تەپە-تەڭدىكتى قامتاماسىز ەتەدى.
بيىل قولجەتىمدى بولۋى مۇمكىن يپوتەكالىق باعدارلامالار انىقتالدى
