سۋرەت: facebook.com/ontustik.gov.kz
ج.نۇرلىباەۆ اۋىلدىق وكرۋگىنە قاراستى ونىمكەر, ىرىستى, قاراقىر ەلدى مەكەندەرىندە بوي كوتەرگەن بۇل نىساندار مەملەكەت-جەكەمەنشىك ارىپتەستىگى اياسىندا سالىنعان. زاماناۋي مەديتسينالىق قۇرىلعىلارمەن تولىق جابدىقتالعان پۋنكتتەر اۋىل تۇرعىندارىنا العاشقى مەديتسينالىق كومەك كورسەتۋ, سكرينينگتىك تەكسەرۋلەر جۇرگىزۋ, انا مەن بالا دەنساۋلىعىن باقىلاۋ باعىتىندا ساپالى قىزمەت ۇسىنادى. جالپى, كەيىنگى ەكى جىلدا اتالعان اۋداندا وسىنداي 10-عا جۋىق نىسان حالىق يگىلىگىنە بەرىلگەن.
يگى باستاما قازىعۇرت اۋدانىندا دا جالعاسىن تاپتى. جۋىردا مۇنداعى جۇمىسشى اۋىلىندا سۋ جاڭا فەلدشەرلىك-اكۋشەرلىك پۋنكت جۇمىسىن باستاسا, سارىاعاش اۋدانىندا ءبىر كۇندە ەكى بىردەي مەديتسينالىق نىسان قاتارعا قوسىلدى. اتاپ ايتقاندا, توڭكەرىس, بەرەكە اۋىلدارىندا زاماناۋي تالاپتارعا ساي دارىگەرلىك امبۋلاتوريالار پايدالانۋعا بەرىلدى. جەكە ينۆەستور ەسەبىنەن تۇرعىزىلعان عيماراتتار ەكگ اپپاراتتارىمەن, گينەكولوگيالىق, بالالارعا ارنالعان ارنايى بولمەلەرمەن, سونداي-اق فيزيوتەراپيالىق قۇرال-جابدىقتارمەن تولىق قامتىلعان.
تۇيىندەي ايتساق, بىلتىر وبلىس كولەمىندە 30-عا جۋىق فەلدشەرلىك-اكۋشەرلىك پۋنكت ەل يگىلىگىنە بەرىلدى. بۇدان بولەك, قازىر سارىاعاش قالاسى مەن تەمىرلان اۋىلىندا «ارناۋلى مەملەكەتتىك قور» ەسەبىنەن ەكى بىردەي پەريناتالدىق ورتالىقتىڭ قۇرىلىسى قىزۋ ءجۇرىپ جاتىر. جالپى قۇنى 83,2 ملرد تەڭگەنى قۇرايتىن قوس جوبانى مەرزىمىندە اياقتاۋعا بيىل وبلىستىق بيۋدجەتتەن 34,6 ملرد تەڭگە ءبولۋ ۇسىنىلدى.
تۇركىستان وبلىسى
