فوتو: الماتى قالاسى اكىمدىگى
جەلتوقسان جانە قاڭتار ايلارىندا قۇتقارۋشىلار 20-دان استام رەت شاقىرتۋعا شىققان.
«25-تەن استام ادام قۇتقارىلدى. وكىنىشكە قاراي, بەس ادام قازا تاپتى. كوپ جاعدايدا بۇل قاۋىپسىزدىك تالاپتارىنىڭ ساقتالماۋىنان بولادى. ادامدار دايىنسىزدىق شىققان, دۇرىس كيىنبەگەن جانە قار كوشكىنى مەن ۇسىك شالۋ سياقتى قاۋىپ-قاتەرلەردى باعالاماعان. كەيدە تۋريستەر وزدەرى تاڭداعان باعىتقا دايىن بولماي شىعادى, سونىڭ سالدارىنان وسىنداي قايعىلى جاعدايلار بولادى», دەدى ۆاديم پاك.
سونىمەن قاتار تاعى بەس ادامعا پسيحولوگيالىق كومەك كورسەتىلگەن.
الماتى تاۋلارىندا ءۇش ادام جوعالدى: ءبىر ادامنىڭ ءمايىتى تابىلدى
قۇتقارۋشىلاردىڭ ايتۋىنشا, بيىل قار ءجيى جاۋماعانىمەن, تۇسكەن اق ۇلپانىڭ بىرجولعى مولشەرى مەن قالىڭدىعى ايتارلىقتاي جوعارى. ۆاديم پاك قار كوشكىنىنە ەڭ قاۋىپتى اۋماقتار رەتىندە ەڭىس بۇرىشى 30-45 گرادۋستان اساتىن بەتكەيلەردى, قارعا تولى اڭعارلار جانە قار جاۋعاننان كەيىنگى جەل وتىندەگى ۋچاسكەلەردى اتادى. تۋريستەرگە قار جاۋعاننان كەيىنگى التى كۇن ىشىندە ساقتىق شارالارىن بارىنشا كۇشەيتۋ ۇسىنىلادى.
