فوتو: news.rambler.ua
وقيعا جەكسەنبى كۇنى تۇستەن كەيىن ميتينگكە قاتىسۋشىلار ەلدىڭ بۇرىنعى باسشىسى جاير بولسونارۋدىڭ جاقتاستارىنىڭ كەلۋىن كۇتىپ تۇرعان ساتتە بولعان.
الەۋمەتتىك جەلىلەردە جاريالانعان ۆيدەودا نايزاعايدىڭ تۇسكەن ءساتى انىق كورىنەدى. مالىمەتكە سايكەس, ءىس-شارانىڭ قاۋىپسىزدىگىن باقىلاپ جۇرگەن ءورت ءسوندىرۋ بولىمشەلەرى جەدەل كومەك كورسەتۋ ءۇشىن ارنايى شاتىر تىككەن.
اقش-تاعى يمميگراتسيالىق داعدارىس: ميننەاپوليس تۇرعىندارى ترامپ ساياساتىنا قارسى كوتەرىلدى
رەسمي دەرەكتەرگە سۇيەنسەك, زارداپ شەككەندەردىڭ باسىم بولىگىنە مەديتسينالىق كومەك وقيعا ورنىندا كورسەتىلگەن, ال 29 ادام اۋرۋحاناعا جەتكىزىلگەن. اۋرۋحاناعا جاتقىزىلعانداردىڭ سەگىزىنىڭ جاعدايى اۋىر.
«نايزاعاي ءتۇستى دە, ءبارىمىز سۇلاپ تۇستىك. ەسىمىزدى جيىپ, ءبىر-بىرىمىزگە كومەكتەسە باستاعانعا دەيىن نە بولعانىن تۇسىنبەدىك. ادامدار ۇرەيلەنىپ, جان-جاققا قاشا باستادى. ءورت سوندىرۋشىلەر مەن جەدەل جاردەم سول جەردە بولعانىمەن, ادام تىم كوپ ەدى. نايزاعاي تۋرا الدىمىزعا, مۋزىكالىق پلاتفورمانىڭ جانىنا ءتۇستى», دەپ سيپاتتايدى وقيعا ورتاسىندا بولعانداردىڭ ءبىرى.
جينالعانداردىڭ كەيبىرى جاراقات الماعانىمەن, قاتتى قورقىپ قالعان.
