وقۋ كابينەتى مەكتەپ جاسىنداعى مۇمكىندىگى شەكتەۋلى بالالاردىڭ بوس ۋاقىتىن ءتيىمدى ۇيىمداستىرا وتىرىپ, ولاردىڭ قوعاممەن بايلانىسىن نىعايتۋ, شىعارماشىلىق جانە تانىمدىق قابىلەتتەرىن دامىتۋ, وزدەرىن قوعامنىڭ تولىققاندى مۇشەسى رەتىندە سەزىنۋىنە مۇمكىندىك جاساۋدى ماقسات ەتكەن «جانشۋاق» جوباسى اياسىندا اشىلىپ وتىر. «جانشۋاق» جوباسىنا قالا مەكتەپتەرىنىڭ 3-8 سىنىپ وقۋشىلارى اتا-اناسىنىڭ كەلىسىمىمەن قاتىسا الادى. ساباقتار جوبا جەتەكشىسى مەن مۋزەي-قورىقتىڭ ارنايى ماماندارىنىڭ قاتىسۋىمەن, الدىن الا بەكىتىلگەن تاقىرىپتىق جوسپار نەگىزىندە جۇيەلى تۇردە وتەدى. ايىنا ءبىر رەت 2 اكادەميالىق ساعات كولەمىندە تەوريالىق جانە پراكتيكالىق ساباقتار ۇيىمداستىرىلادى.
ينكليۋزيۆتى وقۋ كابينەتىنىڭ اشىلۋ سالتاناتىندا مۋزەي-قورىق ديرەكتورىنىڭ مىندەتىن اتقارۋشى نۇرلان دۇكەنباەۆ پەن قالالىق ءبىلىم ءبولىمىنىڭ ينكليۋزيۆتى ءبىلىم بەرۋ ادىسكەرى ءمولدىر اقىلبەكوۆا قۇتتىقتاۋ ءسوز سويلەپ, جوبانىڭ ماڭىزدىلىعىنا توقتالدى. بۇل – رەسپۋبليكا كولەمىندە مۋزەي-قورىق جانىنان اشىلىپ وتىرعان العاشقى ينكليۋزيۆتى كابينەت رەتىندە ماڭىزدى الەۋمەتتىك ءارى مادەني باستاما.
ينكليۋزيۆتى ءبىلىم بەرۋ ۇيىمدارىندا 10 مىڭنان اسا پەداگوگ قىزمەت ەتەدى
