سۋرەتتى تۇسىرگەن – ەرلان ومار, «ەQ»
باسقوسۋعا زاينۋددين ماحۋسەەۆ, اكبارجون يسمايلوۆ, تاۋفيك كاريموۆ, نارينە ميكاەليان, احمەت مۋرادوۆ, يۋري تيموششەنكو, ابدۋللا يسماتۋللاەۆ, شاۆكات يسمايلوۆ, دميتري وستانكوۆيچ, ابيلفاس حامەدوۆ, ۆيتالي تۆاريوناس, يسيدور بورچاشۆيلي, سونداي-اق پارلامەنت سەناتى مەن ءماجىلىسىنىڭ دەپۋتاتتارى زاكيرجان كۋزيەۆ, ەۆگەني بولگەرت, سەرگەي پونومارەۆ, ناتاليا دەمەنتەۆا جانە قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ قاتىستى.
كەزدەسۋدە ۇلتتىق قۇرىلتايدىڭ بەسىنشى وتىرىسىندا ايتىلعان باستامالار مەن ەتنومادەني بىرلەستىكتەردىڭ ەلدەگى ساياسي جاڭعىرۋدىڭ نەگىزگى باعىتتارىن ىسكە اسىرۋعا قاتىسۋ ماسەلەلەرى تالقىلاندى.
مەملەكەتتىك كەڭەسشى جۇرگىزىلىپ جاتقان كونستيتۋتسيالىق رەفورمانىڭ ەلىمىزدىڭ ورنىقتى دامۋىندا ماڭىزى زور ەكەنىن اتاپ ءوتتى. ەرلان قاريننىڭ ايتۋىنشا, مەملەكەتتىك ساياساتتىڭ «بىرلىگىمىز – ارالۋاندىقتا» مىزعىماس قاعيداتى قوعامدىق بىرلىكتىڭ نەگىزى سانالادى.
ەتنومادەني بىرلەستىكتەردىڭ وكىلدەرى مەملەكەت باسشىسىنىڭ مادەني-گۋمانيتارلىق, الەۋمەتتىك-ەكونوميكالىق جانە ساياسي باعىتتاعى باستامالارى مەن شەشىمدەرى, سونداي-اق قۇرىلتايدىڭ بەسىنشى وتىرىسىندا ايتىلعان ۇسىنىستار ەل دامۋىنىڭ جاڭا كەزەڭىنە قاتىستى تۇتاس كوزقاراستى قالىپتاستىراتىنىن جەتكىزدى.
ەتنومادەني بىرلەستىكتەردىڭ جەتەكشىلەرى پرەزيدەنت باستامالارىن قولدايتىنىن ءبىلدىرىپ, الداعى رەفورمالاردى ىسكە اسىرۋعا بەلسەندى تۇردە قاتىسۋعا دايىن ەكەنىن ايتتى.
