ونىڭ ايتۋىنشا, كەلىسسوزدەر 2025 جىلعى 2 جەلتوقساندا ەۋروپالىق وداق شتاب-پاتەرى ورنالاسقان بريۋسسەل قالاسىندا رەسمي تۇردە باستالعان. اقپان ايىندا تاراپتار تالقىلاۋدىڭ ەكىنشى كەزەڭىنە وتپەك. ۆيتسە-مينيستر كەلىسسوز جۇمىسى ەكى باعىتقا بولىنگەنىن ناقتىلادى.
«ەۋرووداقپەن جۇرگىزىپ وتىرعان جۇمىسىمىز ەكى توپقا, ەكى كەزەڭگە بولىنەدى. ءبىرىنشى توپ رەادميسسيا تۋرالى كەلىسىممەن, (ياعني مەملەكەتتەردىڭ ءبىر-بىرىمەن جاسايتىن ۋاعداسىمەن – رەد.) اينالىسادى, ال ەكىنشى توپ ۆيزالىق رەجيمدى جەڭىلدەتۋ جونىندەگى قۇجاتتى پىسىقتاپ جاتىر», دەدى الىبەك باقاەۆ سەناتتاعى جيىندا.
اقش يمميگراتسيالىق ۆيزالار بەرۋدى ۋاقىتشا توقتاتتى: قازاقستان تىزىمگە ەندى
ۆيتسە-ءمينيستردىڭ سوزىنشە, بۇگىن سەنات راتيفيكاتسيالاعان قازاقستان مەن فرانتسيا ۇكىمەتتەرى اراسىنداعى رەادميسسيا تۋرالى كەلىسىم ۆيزالىق رەجيمدى جەڭىلدەتۋ ۇدەرىسىن جەدەلدەتۋگە ىقپال ەتەدى. اتالعان قۇجات زاڭسىز كوشى-قونعا قارسى ءىس-قيمىلدى كۇشەيتىپ, كىرۋ, بولۋ نەمەسە تۇرۋ تالاپتارىن بۇزعان ازاماتتاردى قايتارۋدىڭ ناقتى قۇقىقتىق تەتىگىن ايقىندايدى.
استانادا تۇرعىنداردى ۆيزا جاساپ بەرەمىن دەپ الداعان الاياق ۇستالدى
سىرتقى ىستەر مينيسترلىگىنىڭ پايىمداۋىنشا, رەادميسسيا سالاسىنداعى قۇقىقتىق نەگىزدىڭ قالىپتاسۋى ەۋرووداقپەن ۆيزالىق ديالوگتا قازاقستاننىڭ ۇستانىمىن نىعايتىپ, كەلىسسوزدەردىڭ العا جىلجۋىنا مۇمكىندىك بەرەدى.
