سونىڭ ىشىندە پاراليمپيادالىق باعىتتاعى جەڭىل اتلەتيكا, ءجۇزۋ, وتىرىپ وينايتىن ۆولەيبول, پاۋەرليفتينگ, ۇستەل تەننيسى, پارادزيۋدو, وق اتۋ, ارباداعى تەننيس, گولبول, بوچچا, پاراتاەكۆوندو سياقتى تۇرلەرىمەن قاتار سۋردوليمپيادالىق تۇرلەرى بويىنشا فۋتزال, كۇرەس, دزيۋدو, بادمينتون, شاحمات, ۇستەل تەننيسى, ءجۇزۋ, تاەكۆوندو قامتىلعان.
اشىق سپورت الاڭدارىن قوسپاعاندا وسى كەشەندە كۇنىنە 500 ادام وزدەرى تاڭداعان سپورت تۇرلەرىمەن شۇعىلدانا الادى. جوبانىڭ جالپى قۇنى – 3,2 ملرد تەڭگە. باس مەردىگەر – «ينتەرستيل» جشس. Samruk Kazyna اق كومپانيالار توبى اتىنان قايىرىمدىلىق جوبالاردى جۇزەگە اسىراتىن «Samruk – Kazyna Trust» كورپوراتيۆتىك قورى سپورتتىق جابدىقتار الۋعا دەمەۋشىلىك كورسەتتى. كەشەندە 106 جۇمىس ورنى اشىلدى.
اقتوبە وبلىسىندا مۇگەدەكتىگى بار 27 مىڭ ەرەسەك, 5 مىڭنان استام بالا بار. سولاردىڭ ىشىندە 1 899 ادام سپورتپەن تۇراقتى تۇردە شۇعىلدانادى.
