جىرتقىش اڭ بوكەباي فيليالىنا قاراستى شادرۋحين ورمانشىلىعى اۋماعىندا جوسپارلى تەكسەرىس بارىسىندا بايقالعان. رەزەرۆات قىزمەتكەرلەرى سىلەۋسىندى ۆيدەوعا ءتۇسىرىپ العان.
جەتىسۋ اۋماعىندا سيرەك كەزدەسەتىن جىرتقىش فوتوتۇزاققا ءتۇسىپ قالعان
سىلەۋسىندەر نەگىزىندە تۇندە بەلسەندى بولعاندىقتان, ادامداردىڭ كوزىنە وتە سيرەك تۇسەدى. سوندىقتان سىلەۋسىندى كورىپ قالعان ساتتەر ءجيى بولا بەرمەيدى. مامانداردىڭ ايتۋىنشا, سىلەۋسىننىڭ بۇل اۋماقتا بولۋى ورمان ەكوجۇيەسىنىڭ ساۋ ءارى تىرشىلىككە قابىلەتتى ەكەنىن كورسەتەدى. ال جىرتقىشتىڭ اڭشىلىق قابىلەتى تابيعي تەپە-تەڭدىكتى ساقتاۋدا ماڭىزدى ءرول اتقارادى.
كاتونقاراعاي تابيعي پاركىندە سيرەك كەزدەسەتىن قۇس فوتوتۇزاققا ءتۇسىپ قالدى
«رەزەرۆات اۋماعىندا اڭ اۋلاۋعا قاتاڭ تىيىم سالىنعان. مۇنداي قورعاۋ شارالارى تابيعي بايلىقتاردى ساقتاۋعا جانە سيرەك كەزدەسەتىن جانۋار تۇرلەرىنىڭ قاۋىپسىزدىگىن قامتاماسىز ەتۋگە مۇمكىندىك بەرەدى. ءاربىر ءتىرى اعزا – ورمان ەكوجۇيەسىنىڭ اجىراماس بولىگى, ال ولاردى قورعاۋ – بارشامىزدىڭ ورتاق مىندەتىمىز», دەپ ەسكە سالدى «سەمەي ورمانى» رەزەرۆاتىنىڭ اكىمشىلىگى.
ايتا كەتەيىك, بۇعان دەيىن ماڭعىستاۋ وڭىرىندەگى ءۇستىرت جازىعىندا ورناتىلعان فوتوتۇزاقتار دالا مىسىعىن ءتۇسىرىپ العان ەدى.
