مۋزەي مەڭگەرۋشىسى ۆەرا ەدىگەنوۆا ءوڭىردىڭ كەن يگەرۋ ءداۋىرىنىڭ باستاۋىندا اكادەميك قانىش ساتباەۆ تۇرعانىن ايتادى.
«1945 جىلى قانىش يمانتاي ۇلىنىڭ باستاماسىمەن تورعاي ۇستىرتىندە اۋقىمدى ىزدەستىرۋ, بارلاۋ جۇمىستارى قولعا الىنادى. سونىمەن بىرگە قوستاناي وبلىسىنداعى ايات تەمىر كەن ورنىنا بارلاۋ جۇمىسى باستالدى. سول جىلدارى ايات كەن ورنىن زەرتتەۋ جونىندە ەرەكشە ۇكىمەتتىك كوميسسيا قۇرىلادى. قانىش ساتباەۆ اتالعان كوميسسيانىڭ بەلسەندى مۇشەسى بولدى. وسى جىلدارى جۇرگىزىلگەن گەولوگيالىق بارلاۋ, زەرتتەۋ جۇمىستارىنىڭ ناتيجەسىندە ايات, ليساكوۆ ووليت كەن ورىندارى, تەمىر قورىنا باي سارىباي, سوكولوۆ, قاشار, قورجىنكول ءتارىزدى كوپتەگەن ماگنەتيتتى كەن ورىندارى اشىلدى. بۇل كەن ورىندارىنىڭ نەگىزىندە كوپتەگەن كەنىش, كەن بايىتۋ كاسىپورنى سالىندى. سونىڭ ءبىرى – قازىر رۋدنىي قالاسىندا جۇمىس ىستەپ تۇرعان سوكولوۆ-سارىباي كەن بايىتۋ كومبيناتى», دەيدى مۋزەي مەڭگەرۋشىسى.
ۆەرا ەدىگەنوۆانىڭ ايتۋىنشا, كەزىندە عالىمنىڭ جەتەكشىلىگىمەن تورعاي ءۇستىرتى قويناۋىنداعى قوڭىر كومىر, بوكسيت, اسبەست, ءتۇرلى ءتۇستى, سيرەك كەزدەسەتىن باعالى مەتالعا باي قازبا بايلىق ورىندارىنا بارلاۋ جۇمىستارى جۇرگىزىلگەن.
قوستاناي وبلىسى
