باسقوسۋعا «Amanat» پارتياسى فراكتسياسىنىڭ جەتەكشىسى ەلنۇر بەيسەنباەۆ, «اۋىل» پارتياسى فراكتسياسىنىڭ جەتەكشىسى سەرىك ەگىزباەۆ, «Respublica» پارتياسى فراكتسياسىنىڭ جەتەكشىسى ايداربەك قوجانازاروۆ, «اق جول» پارتياسى فراكتسياسىنىڭ جەتەكشىسى ازات پەرۋاشەۆ, قازاقستان حالىق پارتياسى فراكتسياسىنىڭ جەتەكشىسى ماگەررام ماگەرراموۆ, جالپىۇلتتىق سوتسيال-دەموكراتيالىق پارتياسى فراكتسياسىنىڭ جەتەكشىسى اسحات راقىمجانوۆ جانە پرەزيدەنتتىڭ پارلامەنتتەگى وكىلدىگىنىڭ باسشىسى امىربەك وسپانبەكوۆ قاتىستى.
مەملەكەتتىك كەڭەسشى ءبىر پالاتالى جاڭا پارلامەنتكە كوشۋ باستاماسىنا قاتىستى نەگىزگى تاسىلدەردى قالىپتاستىرۋعا بەلسەنە اتسالىسقانى ءۇشىن پارتيا فراكتسيالارىنا ريزاشىلىق ءبىلدىردى. ەرلان قاريننىڭ ايتۋىنشا, بىلتىرعى كۇزدەن بەرى جۇرگىزىلىپ كەلە جاتقان كونستيتۋتسيالىق رەفورمانى ازىرلەۋ ءىسى مەملەكەتتىڭ ينستيتۋتسيونالدىق نەگىزدەرىن ودان ءارى جاڭعىرتۋدا ايرىقشا ماڭىزدى.
سونداي-اق مەملەكەتتىك كەڭەسشى ۇلتتىق قۇرىلتايدىڭ قىزىلوردادا وتكەن وتىرىسىنىڭ باسىمدىقتارىنا ەرەكشە توقتالدى.
«قۇرىلتايدىڭ بۇل جولعى وتىرىسى دا, پرەزيدەنتتىڭ باعدارلامالىق ءسوزى دە تاريحي تۇرعىدان ۇلكەن مانگە يە. مەملەكەت باسشىسىنىڭ ساياسي ينستيتۋتتاردى تەرەڭ ترانسفورماتسيالاۋ باستاماسى تۇبەگەيلى جاڭا كونستيتۋتسيالىق مودەلگە قادام باسقانىمىزدى ايعاقتايدى», دەدى ەرلان قارين.
ءوز كەزەگىندە فراكتسيا جەتەكشىلەرى پرەزيدەنت باستامالارىن تولىق قولداپ, كونستيتۋتسيالىق رەفورماعا قاتىستى جۇمىستى بەلسەندى تۇردە جالعاستىرۋعا دايىن ەكەندەرىن ايتتى.
