اقش-تىڭ گازا سەكتورىنا قاتىستى جوسپارىندا اۋماقتى ۋاقىتشا حالىقارالىق باسقارۋعا الۋ جانە «بەيبىتشىلىك كەڭەسىن» قۇرۋ ۇسىنىلعان. اقش جوسپارىنا سايكەس, بۇل كەڭەس سەكتوردى قالپىنا كەلتىرۋ جۇمىستارىن دا قاداعالايتىن بولادى. كەڭەس توراعاسى رەتىندە دونالد ترامپتىڭ تاعايىندالۋى كوزدەلگەن.
ەۋروپا «بەيبىتشىلىك كەڭەسىنە» كۇمانمەن قارايدى. ولاردىڭ پىكىرىنشە بۇل قۇرىلىم بۇۇ-نى ەكىنشى قاتارعا ىعىستىرۋ ماقساتىندا قۇرىلۋى مۇمكىن. وسىعان بايلانىستى, ەۋروپالىق وداق ەلدەرىنىڭ باسىم بولىگى بۇل ۇيىمعا قوسىلۋدان باس تارتقان نەمەسە باس تارتۋدى جوسپارلاپ وتىر.
كەڭەسكە ۋاقىتشا مۇشەلىك ءۇش جىل مەرزىمگە تەگىن, ال تۇراقتى مۇشەلىكتى 1 ملرد دوللار كولەمىندەگى جارنا تولەۋ ارقىلى الۋعا بولادى. بۇل قاراجات «بەيبىتشىلىك كەڭەسىنىڭ» مانداتىن ىسكە اسىرۋعا, سونىڭ ىشىندە گازانى قالپىنا كەلتىرۋگە جۇمسالادى.
بۇعان دەيىن ترامپتىڭ قاسىم-جومارت توقاەۆتى گازا بويىنشا بەيبىتشىلىك كەڭەسىنىڭ مۇشەسى بولۋعا شاقىرعانىن جازعان بولاتىنبىز.
